An kal tikah an țhawng deuhdeuh (Salm 84:1-7)
Salm84 chungah kal tikah a cak, țhawng deuhdeuh mi pawl kong kan hmuh khawh. Zumtu caah cun a si kho mi a si ko. Cu hna pawl cu...
1. Biakinn tlaihchantu pawl
Biakinn tlaihchan tu pawl hi kal pah ia cak deuhdeuh mi pawl cu an si. Zumtu tampi cu kan caurau tuk tawn a ruang cu Biakinn kan tlaih chan lo caah a si. Hrb. 10:25 ahcun i pumhkhawmh ngol lo dingin a kan cah ta. Kut in sak mi Biakinn tlaihchan hi a țha mi a si. Zeicahtiah Thlarau lei ah pursumnak a si caah a si. Cu hmun a tlaihchan tu cu an cak deuhdeuh. Zumtu nangteh Biakinn khawmh hi na tlaihchan mi a si maw?
2. Thangțhatnak a pe tu pawl
Hi hna pawl hi an kal tiah an cak, țhwng deuhdeuh. Pathian thangțhatnak timi cu chung eiin a chuak mi a si caah thazang a chuah,tam ter deuhdeuh. Thangțhat tlak Pathian lawng a si. Pathian sinah thangțhatnak na pe bal maw?
3. Pathian sin i thazang la tu pawl
Hi pawl hi an cak, țhawng deuhdeuh zungzal. Zumtu kan thazang lak nak hi a biapi tuk hringhran ko. Kan minung hawi sin in thazang laknak nihcun mah minung hawi huatnak, soiselnakț thangchiatnak lawng a hrin tawn. Asinain Pathin sin in thazang kan lak ahcun minung hawi dawtnak, dinfelnak, cah/țhawnle zawnruah nak a hrin. Bible rel lengmang hi thazang lak cu a si. Pathian sin in thazang na la bal maw?
4. Zion lei i thinlung hawi tu pawl
Zumtu kan thinlung chiahnak hi a biapi tuk. Kan thinlung chiahnak hawih in kan cawl cang tawn. Kan thinlung cu zion(Pathian khuapi, uknak)lei hawih cang hna u sih, hihi a biapi tuk mi a si. Zumtu hi cah,țhawn deuhdeuh kan herh ko. Kan ral pa Satan hi a cak tuk mi a si. Kan i ralrin awk ah a biapi tuk mi a si. Kan cah deuhdeuh nak hnga hi tlawnmpal langhter mi hi nunpi hna usih. Pathian nih a cak deuhdeuh mi zumtu hmuh hi a duh. Lalenglian
