Isaiah 1:11 "Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭțil ṭțha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang. "
Tulio Khrihfabu tampi nih Pathian ta asi tiah an pekmi cheuhra cheu khat cu Pathian huat mi an si. Tulio kan Laimi nih kan thawhmi kan thawhhlawm hi Pathian hna tlak mi asi hnga maw? A cohlan mi a si hnga maw? ti hi pumpak cio in i ruah awk kan si. Pathian duh lo mi, A nor tu men asi ahcun kan caah țhat hnemnak a um lailo. Fihnung thil kan tuah tinak asi.
Isaiah 1:13 "Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.
Kan thil tuah mi, kan i pumh khawmh te hna kan pek mi siseh kan thlacam nak tiangin Pathian luakchuak an si dih cang. Zei cahtiah kan tuah mi le Pathian kan biak ning hi ai kalh mi asi. Zumtu kan nunnak ah kan hrampi hi a hman mi hram asi a herh, cucu Jesuh Khrih asi. Amah duh ningin um i A mah thangțhay kha a rim a hmuimi tuk mi asi. Kan mah duhning in um i thangțhat cu luakchuak za asi.
Isaiah 1:14 Nan Thla Thar Puai hna le nan ni thiang hna cu a huat in ka huat hna. Ka caah a phorh ka zuam ti lomi thilrit an si.
Kan i hawikomhnak hna le kan sunlawihmi Ni hna hi Pathian min sunlawinak caah an si lo i kan mah duhnak in i nuamh, picnic chuah, puai tuah heiti kan hman mi an si ahcun Pathian huat tuk mi an si, thilrit phorh huam tilo mi an si.
Kha, Laimi lak ah kan i ruah awk ngaingai asi tiah ka ruah. Zei cahtiah kan i hawikomhnak nih hin Pathian a nganh cang tiah ka hmuh. Kan mah duhnak a tam deuh cang tiah ka ruah, thilțha a lo mi Pathian huat tuk mi, Satan hhmanrua țha hi kan i lak tuk cang i cunih cun zeitik hmanh ah kan Thlarau nun a lawmh ter lailo i midang nun zong a thkeng bal fawn lailo.
Careltu dihlak Pathian kan Bia kan ti i kan mah duhning i biak cu a dik, a hman hnga maw? ti le Kan Biakmi duh ning in kan um awk asi lo maw? tihi rak ruat țha deuh dingin kan nawl.
