A hmasabik ah Khtihfabu pakhat min in ramkhel nak ah i tel cu Bible nih a kan cawn piak mi asilo. Tahchunhnak ah Khrihfabu pakhat nih a member pawl cu ramkhel nak ah ram hruaitu thimnak ah khi pa nan bawmhawk asi tiah a cawlcang ahcun hihi cu Bible ralkah asi. Khrihfabu nih a rian le a cawlcanghnak ding cu Khamhnak Thawngțhabia chim hi asi. Zeitik hmanh ah Khrihfabu le Ramkhel rian cu ai komh awk asilo. A dang dang in a um a hau. Asinain, Ram le Miphun damnak ding caahcu Pathian sin thlacam piaknak a neih awk asi, Hruaitu pawl ca zongah thlacam peng tu ding asi.
Pathian zumtu pakhat cu zumtu pakhat sinak dir hmun in Ramkhel nak ah hnawihnih in i tel khawh asi. Hihi Bible nih a kan cawnpiak ning asi. Asinan, cu Ramkhel rian a țuan nak cu a um nak Khrihfabu ai awh in asi awk asilo. A um nak Ram mi pakhat sinak in le pumpak ah Pathian auhnak asi ti theih in ramkhel nak i i tel cu a thiang mi asi. Khrihfabu min in cun ai tel awk asi hrimhrim lo.
Zumtu pakhat cu Pathian min in Khrihfabu rianțuan dingin ap cang mi nihcun ramkhelnak ah ai tel awk asilo, ai tel ahcun cucu a thiang lo mi asi. Zeicahtiah a nih cu Pathian rianțuan dingin, Khrihfabu member cawm tu ding in chiti thuh cang asi. A hleicein Pastor, Even le Missionary pawl cu Khrihfabu ah zumhtlak tein zumtu pawl cawmtu ding an si. (2Tim. 2:15; Kolos. 1:29). Christian lam hmuhtu..ta copy mi asi.
