Minung kan umnak Vawlei hi huham pin tuk mi asi. Zeicahtiah a chung um mi minung nihhin Vawlei kan nun caan hi kan țih tawn. Kan bei a dong tawn. Hi Vawlei nih a chuah pi mi thilri le nuamhnak tbk pawl hi kan țih tuk nak nihhin Vawlei pi hi huham a neih zia a langhter. Cu nihcun mitampi cu hmai nawr kho lo tiang in a kan tuah. Kan mah lawngin cun kan ngamh hrimhrim lo, a har kan ti. Hi ruang ahhin kan țhacho ding zat nak tlawm in kan țhan nak hi asi.Ralțha ngai in hmai a nawr tu pawl cu hlawhtlin nak nih a hngah ko hna. Kei cu thiam mi ka neilo, zei hmanh ka si lo tiin tha nau i tuah duh mi hmanh sungh phan ruangah tuah ngam lo khi vawlei țih tiah ka chim duh mi cu asi.
Zumtu tampi nih cun kan vawlei(Thilri, chawva)hi a cung ah kan chiah i kan nun nak hi a tangah kan chiah. Cucu kan Laimi lak zongah thil cang mi asi. Cucu zumtu ai ti mi pawl kan um tuning asi. Tu caan ah Vawlei hi țih hna hlah u sih tiah thazang pek kan duh hna, cucu kan hlawhtlin khawh nak hnga caah asi. Ral țha ngai in um hna usih, kan cungah a phan mi zei paoh hi ralțha ngaiin rak dong ko hna usih. Jesuh Khrih nih "Vawlei nihhin harnak an pek hna lai, sihmanhsehlaw țih hlah u, Vawlei cu ka tei cang" tiah bia a kan cah. A Nung Pathian sin thlacam nak he ralțha ngai in hmai ah nawr hna u sih, kan mah le rian cio ah maw, kan um nak cio ah maw a har ko lai Vawlei cu pei asi fam cu, asinain țih lo ding in Jesuh nih akan duh. Harsatnak pin lei um lunglawmh nak nih a kan hnga ko tihi philh hna hlah usih. Teimak nak hi azim phaknak asi. Ralțhatnak hi teinak petu asi.
