Hngakchia cawmken ning hman he zei tin dah kan zoh khenh lai
Hngakchia pawl cu an hngakchiat lio tein cawmkenning hman he zohkhenh khawh lo ahcun a herh lomi thinlungruahnak hmanlo a um kho tiah Thinlungruahnak lei Professor pakhat nih achim.
Hngakchia pawl nifatin an nunnak ah a chia lei hmuhnak le a țha lei hmuhnak tiah phunhnih in țhen khawh asi. Hngakchia pawl nifatin an nunnak ah achia lei kam cawn khawh nak he pehtlaiin a kong pasarih a um tiah Professor panih cun a ti. Cu he pehtlai in hngakchia nifatin an nunnak zohkhen tu nu le pa nih an theih tawn lo mi pakhat hngakchia thinlung hrawk kho tu asi mi, nitam caan sau theih lo cun hngakchia hrawkdih kho tu, ngaihcha mah le mah lungrethei in a tuah kho tu asi. Zeithil paoh kha thinlungder ngai in le mah le mah izumh lonak, țih nak he a zoh ter khawh. Pakhat rih cu a pawngkam ah harsatnak he țihphan nak he, midang nih thazang pek ve lo mi, nu le pa zong nih thazang pek bal lo mi, na ti țha tuk ti zong ti bal ve lo mi, rianfial cut in fial, a ti sual le heh tiah mawhchiat, hro, vuak lengmang mi hngakchia cu a hawl le lak zongah mivuakvelh hmang mi le thinlung țhalo a ngei mi, pakhat khat a can ahcun a thinsau nakin a zawhlo tik ah kut in, tharung hmang in leh a hmang, i țihnak in a khat i thinlung ruahnak dai te he khua a ruat kho bal lo. Țihnak he a țhan tikah thinphan, thlalaunak phunphun lak ah a țhanglian mi hngakchia a si. Pakhatkhat a can tik ah țihphan nih a thinlung cu a tuam dih tiah a chim rih.
Hi lawng silo, ningzak in tuah mi hngakchia cu thinlungruahnak tlawm in ralțhatnak neilo hngakchia ah a chuak kho. Hngakchia pakhat a ningzak dingin, a tawhrolh phawih piak, a siloah a ningzak ding hrimhrim in tuah asi tikah, kha hngakchia i thinlung cu a thazangder kho, cun hngakchia hlen zong hi thilțha lo tuk mi pakhat asi. Hngakchia nih a ti khawh chungin a tuah mi maw, a siloah lente ai celh mi maw kan zoi piak, pakhatkhat a ti sual tikah upa pawl nih kulh in kan zoh i kan nih, kn nihzawh tik ah a ningzahnak a lianngan deuhdeuh i thil dang a tuah fate an kan nihsawh sual hnga maw? tiin țihnak in a khat, i hlawhtlin nak he ai hlat deuhdeuh. Cun hngakchia lente ai celh ah maw, a tuah khawh mi pakhatkhat a tuah ah maw nu le pa nih a țhat lonak kan chim, kan soi piak ahcun a nih zongkha a hawl le lak ah midang va soi le an țhatlonak chim kha a hmang ve ko lai.
Hngakchia pakhat cu mi dang lunghrinhnak, huatnak remlonak innchungkhar ah a țhanlianh ahcun a mah zong kha midang lunghrinh hmang mi, mah țhatnak lawng zohin midang soisel tu asi ve kho. Cucaah an umnak, an țhanlianhnak hmun le hma i thil cang, kaihhruai ning in, le ruahnak pawl i cawn buin an țhang tiah kan ti khawh. Hngakchia pakhat caah cun a țhan lianhnak a nu le pa, zohkhenh tu hi a biapi bik, i hi hna sinhin cawnmi le nunpi mi tambik an ngei tiah ati.
Hngakchia cu nifatin a zohkhenh tu nih a tuah dingmi thilțha cu cawnpiak in a lunglut dingin chimhhrin nak he cun a țha lei hmu kho tu hngakchia ah ai chuah kho. Hngakchia pakhat i a pawngkam, a hawikom cu a nunnak ah a biapi tuk mi asi.
Thazang pek, fak mi hngachia pakhat cu a thazang tlungin mah le mah rinchanhnak he tinhmi lianpi ngei in a țhanglian. Țha tein chawnhbiak mi le a ti khawh mi a tuah a caan ah hlorh, thazang pek nakin fak mi hngachia cu midang cun zong dawtnak zawnruah nak a ngei mi ah a cang, mi hlawhtling, khat lei ral a chuak kho tu mipakhat ah a chuak tiah a ti.
Democracy Today Daily
http://www.searchmyanmar.com/link/comment/cid/52395
