Minung nih hin hlawhtlin hi kan duh bik mi a si. Hlawhtling ning hi ai bang cio lo. Kan duh mi kan hmuh ning hi ai bang cio lo. Mi tampi nih cun heh tiah an zuam hnu ah an duh mi an hmuh khawh. Asinain a zuam huam ve lo mi nih cun hmuh an duh ko nain an hmu kho hrim lo. Hihi thil khuaruahhar pakhat a si ve lo maw? Zei ruang ah dah zuam hnu lawng ah hmuh khawh a si hnga? Pathian min a sunlawi khawh nakhnga ca ah a si ko. Pathian nihhin a thil siam mi hi a țha tiah a ti mi an si. Tu kum cu a lin ngai te..asinain khua a hung dawm thli a hrang i cu tluk in a thla thla in a linh ning le a lum a sat ning bak cu a sinain cu voi khat te ruahsur ai timh ruang ah a dai dih ko..khuaruahhar si Pathian thil siam hi.
Hlawhtlinnak hi a sunglawi tuk mi lungvar mansung bantuk a si. Pathian nih hin sui le ngun hna thil man sung hna hi a thuh hna..vawlei tang thuk pi ah a thuh hna..tupi nganpipi chung ah a thuh hna..cu bantuk in hlawhtlinnak zong hi a thuh ve. Cu ca ah hlawhtlinnak hi thuh mi a si i biatak chuah lung dongh hnu lawng ah hmuh khawh a si. "Na hlawtlingnak hnga na lungdong cang maw?" Pathian hi minung lungdongh hnu ah ai phuan tawn taktak ko. A ruang cu Amin sunlawih a duh tu Pathian a si ruang ah. Lungdongh ti tik ah chim duh mi cu..minung sinak in tuah khawh a si ti lo,zuam len zong zei țha hnem lo tiin um sawh give up khi a si lo. Kei nih ka tuah kho ti lo ti kan i hngalh i Pathian kan rinh lo zia kan i hngalh i kan derthawm zia kan van i theih bak in Pathian ah kan thil rit kan van țhumh khi chim duh mi a si. Kan mah leikam in kan lung a dongh lo ahcun kan thilrit Pathian sin ah kan ap khawh tawn lo ruang ah kan hlawhtlin khawh lo nak a si. Cu ca ah hlawhtling ding in na lungdong maw? Zumtu na nunnak ah khan zeizong vialte ti kho tu Pathian na ngei ko khah. Amah maw na rinh lai nai bochan lai nangmah le nangmah dah nai rinhchanh lai i nai bochan lai? Duh thim khawh nak na ngei. Tu ah khan misifak te le rualcgan țha ngei lo na si ko lai. Asinain na duh mi kha na hmuh khawh nak hnga..lam tampi hawl ko. Asinain na hmuh khawh lo zia nai thei maw? Cucu hi ka ah lungdong tiah chim len mi hi a si. Kan mah le mah kan i bochan lo bak te khan Pathian mithmai țha kan hmu cang. Asinain kha le cang ka Amah nai bochan taktak maw timi kha hlawhtlinak ca ah Pathian zoh bik mi cu a si. Nifatin kan nunnak ah hmuh kan duh mi le ngeih kan duh mi hna..phak kan duh mi hna hkawhtlinnak chung ah a um ve mi an si. Asinain țih hlah..hlawhtlunnak hi pathian thuh mi a si..Anihnih cun khawi ka ah a thuh kha fiang tein a hngalh ko.
Na tuah mi ah hlawhtlin na duh maw? Aa hi ti hin cun ka ti kho bak ti lo zei tin dah a si lai..ti tiang dir hmun na phanh ko bu zong ah na lung dong hlah..Pathian sin tu ah chia law hlawhtlinnak a thup i a umnak fiang tuk in a hngaltu Pathian nih hlawhtlinnak cu a thuhnak hmun in an chuah piak ko lai. Zumhtlak tein um law Pathian lawng i bochan ko. Ka tuah kho lo ti in na thinthi hlah seh cu ti na um ahcun na hlawh tling kho bal lai lo..na duh taktak lo ti cu pei Pathian nih a hngalh cu. Pathian nih a duh lo mi tumruhnak zong a si. Asinain thilțhalo tuah ding kha cu chim duh mi a si lo.
Hlawhtling ding in na lungdong maw?
0 comments:
Post a Comment