A lianngan deuh mi biatak le a tlawm deuh mi biatak
Genesis 1:16 "Cucaah Pathian nih cun ceunak ngan pipi pahnih hi a ser hna, ni hi chun uktu dingah a ser i thlapa hi zan uktu dingah a ser; arfi zong khi a ser hna; "
A cung lei Bible catlang ah ceunak timi nih a sawh duh mi cu Biatak kha a si. Pathian nih mit in hmuh khawh mi Ceunak pahnih a ser Thlapa le Ni an si. Nika cu Thlapa nakin a ceunak a țhawng deuh i hi bantuk hin Pathian bia kan hmuhnak ahhin a lianngan deuh mi le a țhawnnak hmual a tlawm deuh mi biatak an um ve. Thawngțhabia nih a kan pek mi khuaruahhar biatak hi a cotu kan nunnak ah aikhat cio lo. Mi cheukhat nih cun midang nakin lianngan deuh in an co. Alianngan deuh mi biatak na vohlan nak ding ah na saduhthah bantukin r"an a țuan zungzal. Kan Bawipa Jesuh Khrih hi vawlei a len lio caan a nunning kha na cawn tik ah alianngan deuh mi Pathian biatak chung ah na nun nakhnga lam hmuhsak tu a si lai.
Abianaah,Pathian pek mi damnak kan zoh tik ah biatak le Pathian sin in a ra mi thluachuah a si zia a lang: kan thei awk khuaruahhar a si mi cu na zawtnak zeibantuk a si hmanh ah Pathuan sin in damnak na hmu kho ti nak a si. Asinain hi nak in a lianngan deuh mi biatak a um rih. Cucu Pathian damnak chung ah zawtnak zei hmanh tong bal loin na um khi tinak a si. Phun dang in na nun chung zawfak lo bak in khua na sa kho tinak a si. Kan Bawipa Jesuh khrih nunnak kan zoh tik ah a lu a fak, a taksa i Peter nih a hawi le ai zawm hna i thla an cam piak ti kan hmu lo. Chim duh mi cu Jesuh khrih kha Pathian biatak a lianngan deuh mi chung ah a nung ti nak a si. Hi bantuk nun ah cun damnak pek a herh ti lo. Bawi Jesuh cu Pathian damnak tlamtling he a nung mi a si. Damnak cu Pathian fale ca ah nunnak chngareu a si(Matt.15:26). Phundang in kan chim ah cun thlarau lei in hngakchia si rih mi hna nih damnak an herh ti nak a si.
Thlarau lei inupa na si tik ah a țhabik mi nunnak in na nung cang lai. Hi bantuk nunnak hmutu ding ah le a lianngan deuh mi biatak chung ah nung ding in thim mi na si.
Luatnak timi zong hi a lianngan deuh mi biatak a si. Asinain Pathian alianngan mi himnak chung ah nun cu a lianngan deuh mi biatak a si. Bawi Jesuh Khrih vawlei a nun chung i a rianțuannak kan zoh tik ah harnak a phunphun le Satan rianțuannak chung in a luat khawh nakhnga bawmh a herh bal lo. Pathian nih harnak na ton mi chung in an luat ter nak in a lianngan deuh mi a um: cucu Pathian kilvennak a si. Cucu Pathian bia ning in na nun nakhnga ding hmun cu a si.
Na nunnak cu Khrih he Pathian ah thuh in a um(Colose 3:3). Cun a mah chung ah na nung i nasining vialte he Amah thawng in an cawlcang (Acts 17:28). Luatnak peka herh mina silo, zeicahtiah zeihmanh nih harnak an pe kho lo ti na hngalh (Luke10:19). Cucaah na nunnak ah Pathian bia kha rianțuan ter zeicahtiah Pathian bia cu a ngan mi chinchin mi ceunak a si! Na nunnak kha Bawi Pathian bia na theih nak le Bawi Jesuh nun in a pe tah. Alianngan deuh mi Pathian bia na nunnak ah pehzulh in rianțuan ter.
0 comments:
Post a Comment