Ahmaan tein cun oan pum hi kan duh poh in kan hmang kho lo. Zumtu tampi nih kan taksapum hi kan duh ning poh in kan hman. Kan mah ke taksapum cu kan duh nig poh in kan hman awk a si tiah kan ruat i kan taksapum cu ui lo in kan hnipuan hruh ah siseh, kan kilven dan ah siseh, kan chiahnak(umnak) ah siseh kan mah ta bang in kan hman. Pakhat pa an chim bang a Car chung ah kuak a zu i traffic police nih Car chung ah kuak zuk kan sian lo na theih ko țung ziah na zuk an ti i anihnih kei mah Car a si hi ka duh ah cun mei in ka duah lai tiah a ti an ti bang, kan pim hi kan duh poh in hman ding a si lo. Hihi zumtu piangthar hmaan taktak nih a tuah awk a si hrimhrim lo. Zeicahtiah kan pum cu Jesuh Khrih ta a si. A thisen sung in a cawk mi a si. Kan pum hmang in kan sual tik ah Jesuh Khrih kan doh a si, cu lawng hlah kan pum hi biakinn ah a hmang in a kan um pi zungzal tu Thiangthlarau do tu kan si. Kan hnipuan hruk aih, kan pum kan zohkhenh ning, le kan pum a um nak tiang in an biapi tuk. Sexy duh nak lungthin he nai hruhaih tik ah na pum duh poh in na hman he ai khat. Țih a nung tuk. Țhatnak a chuahpi lo i țhennak, Thlarau lei țhan khawh lo nak chuah pi tu men an si. Nu lak ah piangthar hman tein a piangthar mi nu nih sexy tak in hni puan ai hruh bal lai lo. Na piang ko nain sexy nawn in nai hruhaih a si ah cun a ran khawh chung in Pathian lei ah kir cang, Thlarau ngaihchiat ter tu na si ca ah. Sual tuah ding ah miluat kan si lo. Zumtu hi kan mah tuah duh mi tuah awk ah miluat kan si lo i a kan luattertu Jesuh Khrih duh nak tuah awk tu ah miluat kan si deuh. A thianhlim awk deuh a si. Hnukba lang, tawfi lang deng mang hrawng, bawbang lang hrawng hni puan hmang in zei tin dah kan pum cu kan thianhlim ter khawh bal hnga. Na taksapum hmang in sual tuah hi mu țihnung tuk mi a si. Kan țhihphaih a si lo, Paul nih ai fian tuk ca ah Korin khua khrihfabu sin ah ca a kuat hna(1cor. 6:15-20).
Chankal ning kha i bochan hlah, Bible Pathian biatak cu chan kal ning hmang in na mer in na remh kho lai lo. By Anthony Vansianglal
Chinchiah:: Fian lo nak, rem lo nak, duh lo nak ngeih cun blog comment in maw, messenger in hal khawh a si.
0 comments:
Post a Comment