A tthangchomi zultu sinak ding ah Bible ca thiang nih tampi a kan cawnpiak. Asinain minung nih hin kan i fiang kho tawn lo. A ruang cu kan mah duh ning nih a kan tei tawn caah a si. Cathiang na rel nak chung in na theih, na cawn mi kha tangdor tein zulhna law, cucu a tthangcho mi zultu na si khawh nak ding lam a si. Kan Bible chung hmuntampi ah kan hmuh khawh mi cu “Zultu” timi biafang i a chimduh mi taktak cu “Jesuh Khrih a zum i, Amah nawl zul buin a nung mi hna khi ‘Zultu’ timi nih a chim duh mi cu a si. Khah a tthangcho mi zultu nun ziaza cu zeidah a si zoh hna usih.
Bible nih a thianghlimmi le a tthangcho mi zultu ziaza a kan cawnpiak mi cu a tang bantuk hi an si….
A tthangcho mi Khrihfavu zumtu nih cun Khrih zumhnak thawng lawng in zungzal nunnak hmuh khawh a si ti ai fiang i, Jesuh Khrih caah ral a doh nak cu a thang chin lengmang (John 6:64-68).
A tthangcho mi zultu cu Pathian bia Bible a rel zungzal (John 8:31-35).
A tthangcho mi zultu cu theittha a tlai, nawl a ngai (John 15:1-16).
A tthangcho mi zultu cu thla a cam zungzal (luke 11:1-10).
A tthangcho mi zultu cu thla a cam zungzal (luke 11:1-10).
A tthangcho mi zultu cu midang nih Jesuh an zumh khawh nakhnga le zumhnak lei ah nutling patling an si khawh nakhnga caah pekchanhnak nun a nei(Matt. 28:19-20).
A tthangcho mi zultu cu a nunnak dihla in Pathian duhnak kha a zulh, zeibantuk thil har a si hmanh ah a dih umnak in ai zuam (Luke 14:25-33).
A tthangcho mi zultu kan si khawh nakhnga Pathian nih thluachuah kan pek piak ko she.
Ref:Innchungkhar nih kan in don hna
Ref:Innchungkhar nih kan in don hna
0 comments:
Post a Comment