Kan pupa hna nih cun nupi an kawl tik ah..an duh mi nu i a nu le pa, sahlawhrualchan tiang in an rak zoh. Cucu ruah tik ah thil dawh lo ngai a lo.
An nih chan ah cun tonteh (experiences) in thil sining hi an rak cawn, bia le hla (theory) men in a si ve lo.
Tuchan mi tampi cu, theory i cawn i degree lak hi biapi ah chiah a si. Hihi kan pi nu nih a doh ngai mi pakhat a si ve. "Fim thiam nak timi hi degree ah a um lo i, thil sining pakhat kha adirhmun zohfian i țha tein a tuahto zia thiam hi fimnak timi cu a si. Cathiam degree ngei.mi.sițung i thil sining zohkhek hmanh thiam țung lo cun zeitindah mifim tiah kan ti khawh lai" tiah a rak chim bal.
A tuchan ah degree sang ngah tampi cu capoh hmanh theithiam lo, mi biafang fangkhat hmanh dawl lo kan tam rih, innchung khar buai tertu bik ah a hung cang. Kan pupa hna nih cun an rak theih tuk tik ah,,an mo si ding i a nu le pa chungkhat uanau tiang an rak zoh nak a si. Nupi pasal a si ah maw, nungak tlangval a si ah maw tong ven i,i ven te hna hi ruahnak putlin lo zia a langh ter, nuva kar lak ah maw, mi dang he kan i dawtnak ah hin a thiang i a ngandam mi dawtnak in i daw hna u sih. Mi bia pakhat men nih a hrawh khawh mi dawtnak cu dawtnak ti khawh a si lai lo, i rem lonak, i huat nak kawlnak men a si deuh. Bible ah kan hmuh mi Sidar thingkung tuanbia bang kan i dawtnak hi hram thuk pi thlasehlaw, thlichia a hrang zong ah a pur kho lai lo. Cucu kan kut ah a um i, hram thuk maw, buan thlak khawhnak nawl ngeitu cu kan mah kan si. Nungak, tlangval na si ahcun innchungkhar kong țha tein na cawn a hau. Cu lawng hlah na nitin nunnak ah mi awkam men ai za mi na si lo ding hi kan forh duh cem mi a si. Hlawhtlin khawh a si lo, Bible nih cun sual a si a ti. Saipi cu uico bo sawhsawh men ah a buai lo i a kal ning tein hmuansam nawn in a kal men, asinain Langak bang mi kut zo men ah zuang lengmang tu men si hlah u sih. Thin ker mi si hlah usih, thinlung ruahnak puitling si zuam cio hna usih.
0 comments:
Post a Comment