A hrampi zulh awk phunglam

Fimnak a hmumi cu alung ai lawm, hngalhthiamnak a ngeimi zong ai lawm ve(Phungthlukbia 3:13)

A fimmi lothlo pa nih cun  angeih mi a thlaici kha ahmuh mi vawlei kip ah tuh hna lo. A theih mi pakhat a um mi cu, thlaici tuhnak le a theipar a zun tthan nakding ah zulhding a hrampi a simi phunglam a um. Theipar thar a chuahter khotu vawlei a theithiam i, zeibantuk khua caan ah dah a theipar ttha tein a chuah khawh ti kha a theih. A thlaici cu a ttha bikmi vawlei ah le khuacaan ah atuh nakhnga ai zuam.

Asinain cawnpiak ballo mi lothlopa tu nihcun a herhmi thil umtuning hi aruat lem lo. Cun aruah ning in theipar a chuah lo tik ah midang a mawhchiat hna, cubantuk cun tuchun zong ah mitampi an si ve. Pathian phunglam zulh dingmi khan a zulh lo ruang ah an nunnak ah theipar an I ruahning bantuk in an hmu kho lo. Pathian pennak chung ah zulh ding mi phunglam a um, cu zulhding mi cu na zulh hlan chung poh cu na tonmi thil hna cu an mah ning te an si ko lai.

Pathian pennak rianttuan ning zeirel loin um hi, Khrihfa cu chung ah harnak a chuahtertu a si. Abinna ah, “a tu kan theihmi le kan cawnmi peknak kong, zumhnak thlaici tuhnak kong cu pe law mah tic un Mawttaw na ngei lai, Inn na ngei lai, Phaisa zong na ngei lai an ti.” Asinain Baibal nih peklei cu hmuhlei nakin a ttha deuh a ti. Cu ca ah cun inn ngeih le mawtaka ngeihnak in a tam deuh mi a si.

Pathian sin ah pek chanhnak na gneih tik ah cawhva in thluachuah cohlan ding na ngei ve. Cu hlei ah na pekchanhnak nih dinfelnak an pek I, na nunnak ah cuaithlai khawh lo mi Thiangthlarau laksawng na ngei.

Hi lawng a si lo, peknak cu Pathian he rianttuanti nak nawl hmuhnak le khamhnak thawngttha kha vawlei dongh tiang  phortu sinak nih khan na peknak lungput kha an thlen lai. “Cucaah nanmahle nan lungthin nan I thlehning cio khan rak tho u, nan thawh tikah I ngaihchih bu le hnekchom in si hlahseh, lunglawm tein a thomi kha  Pathian nih a dawt hna..” A caan a phak tikah Pathian caah a biapi tukmi na si lai, zeidang vialte nakin mansung deuh ah an chiah lai. Cun nangmah tel loin zeihmanh a tuah duh lai lo I, lonhtaak zong an siang lai lo.

Thlacam

Ka dawtmi ka Pa, vancung pennak rianttuannak kong n aka hmuhter caah ka lung ai lawm. Cun a hmaan mi zulh ding phung a simi zumhnak phung kha ka nunnak ah a miak a ka hmuhtertu na si. Ka thlarau inkaa cu na fimnak cohlang dingin ka hun I, na bia in a rami theihhngalh thiamnak kha ka cohlan, Bawipa min in . Amen.