Pathian țhat zia na ruahbal lo ahcun na thei kho lai lo. Na ton mi conglawmhnak cu nangmah ti khawh mi ah na ruah ko lai. Na harsat tik ah cun Pathian na mawhter sual ko lai. Pathian na cungi a țhat ning van ruat ta law kan duh piak............ Na theih ding pakhat cu minung cu zei hmanh kan silo, tuah khawh mi pakhat te hmanh Pathian tel loin kan nei lo ti hi philh hlah law, Pathian țhatzia an theih tertu asi lai. Hi ca ka țial khawh hmanh hi Pathian thawngin asi. Cu si ahcun thil sual kan tuah mi hi teh Pathian ruangh maw? Ti bia hal nak a um..a phi cu asi hrimhrim loh ti asi. Kan chiațha thlei dan nak hmang in Pathian nih kan cung ah rian a țuan. Pathian a țhana ti i na zumh i na thangțhat ah cun Pathian min a sunglawi, asinain a țhat le țhatlo zong ruat lemlo in na um i a zumh zong hlei lo, thangthatnak zong pek lo ah Pathian min a sunglawi kho lo. Hi hna pahnih hi na duhthim nak in na tuah mi an si. Ahohmanh na puh kho hna lo. Nangmah na si.
Pathian nih zei tik hmanh ah thil sual a tuah ballo. Adawtnak kan theih chinchin khawh nak hnga harsatnak kan tuar tawn, thluachuah pek a kan duh tik ah A kan test tawn khi a si deuh. HI BIA HAL NAK HE PEHTLAI IN NAI FIAN LO AHCUN COMMENT IN HAL KHAWH ASI.
Pathian țhat zia theih ding hi zumtu kan rian asi. A țhatzia thei lo piin kan rian kho lailo. A mah kan zumhnak ah hmual a nei kho lai lo...Pathian țhat zia hi ruat hna u sih..tep hna usih, ni tin kan nun ah lunglawmhnak in kan khat kho lai.
0 comments:
Post a Comment