Pa pawl hi rianhrang ttuan deuh an si. Ei din ttha ei zong hi an phu hrimhrim. Nupi fale cawmnak ah rian kan ttuan khawh nakhnga, ei din ttha hna hi din ei ding a si. Mi tampi nih cun hihi a ttha ti zong ruat lem lo in kan ei, din tawn. Cu lak ah cun a tthalo zong cu a rak i tel tawn taktak. Zei hi dah ka ei ding ah a ttha ti theih hi a biapi tuk mi a si. A tang lei ah hin Pa hna nih ei din ding ah a ttha khun mi ti rawl hna cu langhter an si.
Me-pe (Ground bean), Pensylvania ram i Sibawi thiamsang hna nih an chim ning ahcun kan lung a dam cah khawh nakhnga tifatin in Me-pe hi ei ding a si an ti. Pa an si ah, Nu an si ah Lung zawtnak in a thi mi tampi cu Mi-pe dat an chan bau deuh ruang ah hin a si an ti. Nifatin in Mi-pe kan ei tik ah suimilam 24 chung ah kan taksa chung i a um mi Cholesterol(LDL) le Triglycerides dat pawl kan thisen chung ah a tlawm ter khawh colh caah taksa hrang ah a tthami Cholesterol(HDL) cu ai zatawk in a um ter khawh caah ngandamnak caah a ttha tuk mi a si.
Tomato tlai hi a ttah bak mi pakhat a si. Tomato ei hi Pa zunhri ah a um mi Ci a umnak bawm cancer si ding kha a kham khawh ti a si. Tomato ei bal lo nakin zarhkhat ah voi 2-4 tiang a ei tu pawl cu Ci bawm cancer ngah ding ah 35% in a tlawm deuh ti a si. Cu bantuk in cancer zawtnak a rak kham khawh nak cu, Tomato chung i a ummi Lycopene dat kha thau he an i kawmh tikah ril chung lei ah rawlrial le rawl ttha dawp lei ah a bawmh ruang ah a si. Nifatin tein Tomato hi ei ding mi a si.
Dawnzuk(Watermelon), hi, pa, nu ti loin potassium dat tampi a ngei tu a si caah, tampi in ei ding mi a si. Kum 50 hrawng tlin hnu ah cun thikai hi a um duh ngai, Potassium dat nih hin Thi kai le Zeng tbk hi a kham kawh ti a si. Cu lawng hlah Zeng zawtnak (Li-phiat) paralysis zong a dam ter khawh ti a si. Pa sal pakhat hi hin nikhat ah potassium dat hi 2000mg a herh. Dawnzuk hi pum khat cu a hau lo, cheu lian deuh cheu thum hrawng ei law cheu khat ah potassium dat 664mg a um caah pathum ahcun 2000mg cu a tling ve ko. Aman le fawi,, a thawn fawn,,I cawk colh law ei colh ko.
Banhla, hi potassium dat tampi ngei ve tu a si caah tampi in ei ding mi a si. Nifatin Banhla pum hnih hrawng ah khawh ahcun a tha khun, thikai, zeng tbk tuk pawl a dam ter khawh lawng siloin a kham khawh fawn, zaawtnak dangdang zong a kham khawh caah nifatin in ei ding mi a si.
Kawpipar (Broccoli) hi ei tik ah pum ngandamnak caah a ttha i, cancer zawtnak a kham khawh ti a si. Zarh khat ah Kawipipar voi nga hrawng ei khawh ahcun cancer zawtnak 50% bak a khawm khaw ti si.
Cengkol(oyster) kawl nih ‘ka-nu-ka-ma’ an timi cu nifatin tein ei khawh ahcun zinc dat le a dang dat ttha tampi a karh ter caah fa neihtam nak lei zong ah a ttha. Kum 50 tlin hnu cun Pa pawl nih hin Testeron Hormone dat an tlakcham deuh cang ruang ah Ci zong a tlawm deuhdeuh ve. Cu caah Cengkol hi tam deuh in ei awk a si. Thil dang zinc dat a um zong ei khawh chung in ei ding a si.
Hi hna hi ei ding ah a ttha mi tampi lak ah tarlangh khawh mi sisehlaw…Pa pawl hrang ah tthahnem a si hrim lai ti zumhnak he Falam holh in ttial mi DAM REI NA DUH LE timi ca uk chung ta lak mi a si.
0 comments:
Post a Comment