Pathian nih a rianttuan ding ah an ser cu thluachuah pek ding ah a si
Nan nih Filipi khua mi nih nan hngalh ko kha ta, thawngttha k ark chim ka hrawng I Masidonia ram in ka kal ah khan a rak si; nanmah lawnglawng kha bawmhnak a ka petu khrihfabu nan rak si; nanmah lawnglawng kha ka sunghnak sieh, ka miaknak siseh a ka hrawmpitu nan si(Filipi 4:15)
Baibal nih nuhmuinu a si a fak I zeihmanh a ngei lomi Zarephath kong kha a kan chimh. Asinain kha nuhmuinu kha mangttam a tlun lio caan ah khan profet Elijah zoh khenh ding ah fial a si.
Profet Elijah cu nuhmuinu he an I ton hlan ah khan Langak nih a rak cawm, tiva pakhat ah khan a um I, cu tiva te ti a um chung, cu ka ah cun a um (1Sia. 17:4). Tiva te ti cu a ko dih tikah Langak nih rawl a pek zong a ngol ve. Cun Pathian nih Nuhmuinu sin va kal awk ah nawl a pek.
Nuhmuinu nih Profet kha rawl a pek tikah a nunnak ah khuaruahhar a hmuh. “cun a kal I Elijah nih a chim bantuk khan a tuah; cun amh le Elijah le a innchungkhar nih khan ni tampi an ei. Bawipa nih Elijah in a chim mi a bia ning te khan changvut um cu a lawng lo I chiti thawl cu a reu lo(1Sia. 17:5-6). Pekchanh ding in caan ttha na hmuh mi poh cu na nunnak ah thluachuah nganpi hmu ding in Pathian nih an timhtuahpiak mi a si.
Pathian nih na sin in a duhmi a um ruang ah pakhatkhat pek ter an fial mi a si lo. Asinain thil liangngan pek ah duh caah an auh mi a si. Ruat hmanh; zeizong vialte a ngei dih tu Pa kha zei khi dah nang nih na hei pek khawh hnga? Na pek khawh ding eihmanh a um lo. Pek an fial mi cu na caah tuah a duh mi a um ruang ah a si ko. Mi cheukhat cu a caan, an ngeihchiah thil kha Bawipa le a rianttuannak caah pehzulh tein pek a hauh tikah an ing a puang tawn. Cun annih caah cun a pawngkam thilumtuning zong a that deuh nak lei a panh ve lo. Annih nih an pekchanhnak hi Pathian nih a liannganmi sunparnak nun an ngeih nakhnga a timhtuah piak mi a si ti kha hna sehlaw an i lawm tuk ko hnga!
Nuhmuinu nih Profet pa a zohkhenh tik ah mah lio caan te in a herhbaumi kha Pathian nih a pek lawng siloin, a hmailei nunnak a zate in Pathian nih ttuanvo a lakpiak(1Sia. 17:17-23). A hmailei caan ah a cang te hna dingmi kha a zoh tikah a fapate a thi te lai timi a theih. Pathian nih minu caah a timhtuahpiakmi cu Profet kha a sinah a kuat I, rianttuan tti dingin a timhpiak. Pathian rianttuannak caah pekchanh kha zeihmanh nih na lung in zorter hlahsehlaw in kham hlah seh.
Vawlei pumpi an thawngtthabia a karh khawh nakhnga, na caan le na chawva peknak in, Pathian he riantuan tti cang. Cu tin a tuah ahcun lunglawmhnak na ngei lai.
Pastor, Chris.
0 comments:
Post a Comment