Kedil kak mi coka thil in dam ter ning

Kedil kak mi coka thil in dam ter ning

 

Khuasik a rak chuak i mitampi cu kan ke dil kah caan a si. Kan Kedil cu kan taksa pumpi rit taktak kha a phurtu a si..cucaah a kah zong hi a si ko rua hlah maw…Kedil kah hi a fawi lo, a hong ro deuhdeuh hincun a fak, a thihring hna a chuak. Mi cheu cu an kedil kah a awl deuh rua, an ngal hna hi hawi ngal phit hlan ah a rak phi tbk…Lailei ahcun a tam ngai. Cucaah kan mah le coka cio ah a um mi si phun khat in kan kedil kah dam ter ning kan van langhter lai. A har mi pakhat hmanh a um lo, Lailei si bak in kedil kah damter ning a si caah,,pelh lo tein rak zoh ve.

A tu kum khuasik caan ah Kedil kak lo ding in kedanbut he um ko zong ah kedil kah a zia hlei lo. Phaisa tampi dih in sii ttha an ti mi kan va cawk tik ah Chemical he cawh mi sii an si tikah taksa caah a ttha tawn lo. Cucaah na kedil a kak mi, a vun a hak taktak mi kha nemter, tlau ter nak ding ah cun Cawhnuk a hau.

Khah a tuah ning cu,,,

Cawhnuk hrai hnih maw, na ti khawh ahcun hrai 4 hrawng in lum law, cu a sanawnmi te kha na ke  pahnih a tlumtu ding khengpi ah bungdih, cu hnu ah Soda tlawmpal in thlak piak law, cawh. Cun na kedil kak nawn, vun hak nawn cu, cu cawhnuk le Soda na cawhmi hang chung ahcun minutes tlawmpal chung ciah, na duh le khawlh ko. Cu hnu ah tilum tein na ke cu ttawl piak. Na ttawl dih in na ke cu ro tein hnawt law, cu hnu ah lotion, moistrurizer pakhatkhat thuh piak. Hi ti hin zarh khat voihnih voithum na tuah piak khawh ahcun na ke kak cu a tlau dih lai i na ke vun zong a no fawn lai. Na kedil kah dam hram seh.

Ref; Shwemon