Mit kuak a dum mi, dum lo ding in tuah hna usih

Mit kuak a dum mi dum lo ding in tuah hna usih

 

Mi kuak hi a chan tampi ruangah a mah tein a rak dum ve tawn. A hleicein ihhmu cim lo, computer zoh tam tbk ruang ah hin hi thil hi a cang tam khun. A cheu khat le vitamin tlakcham ruang deuh hna ah a si tawn. Mit kuak dum cu mah te hmanh ti lio ah zoh a dawh lo deuh hrim ko. Cucu a ho poh nih cohlan mi a si ko lai dah. Makup in van tuam deuh ding zong hi a rem tawn lo. Cucaah mit kuak a dum mi kha zeitindah kan tuahto lai? A fawite mi a si ko, a tang kan langhter mi bang hin rak tuah ve hmanh na mit kuak dum a tlau hrim lai tiah zumhnak a um.

1.Zil

Zil hi taksa vun a dawhtertu pakhat a si ve bantuk in mit ca zong ah a rak ttha ve. Zil kha la law, pan tein par ko, cu na par mi Zil cu na mit kuak ah khan benh, cu ti cun minutes 10 chung hrawng chia law, cu hnu ah na hmai i phiah. Nikhat ah voihnih tal in na tuah piak khawh ahcun na mit kuak dum a tlau ko lai.

 

2.Aalu

Aalu chung ah a um mi dat cu a zawng phun hi a hloh khawh ti si. Cucaah Aalu kha na mit kuak a dumnak zawn  a dum mi kha a hloh khawh i cuhlan na vun dawh te bantuk ah a can ter lai. A tuah ning cu Aalu kha Freezer chung ah kik dih lak in chia law, a hang dip. Na dip mi a hang kik te kha na mit kuak dumnak zawn te ah khan thuh piak law cu vial, tlawmpal hnu ah na hmai i phiah.

 

3.Haileng

Steel Haileng hi tthat hnem ttha taktak a rak ngei ve. Mit kuak dum ca lawng ah a si lo, pakhat cattialtu nih a tak in ka hman mi pakhat te cu..mi pakhat a lum tuk ruang ah maw, pakhat khat ruang ah a ka in buanbara a chuak, cun a hnuhdawh a si ahcun Steel Haileng hi a ran khawh chung in a ka chung ah na hmawm ter lai, cu nih cun a lum dat a zawr ter lawng si lo in a hnuhdawh tik ah a Lei dan dihlak ai seh khawh nak zong kha a rak kham piak.

Mit kuak dum caah Haileng hman cu a fawituk mi a si. Steel Haileng kha Freezer chung ah kik nawn tiang in chia law, cu hnu ah na mit kuak ah khan beh ko…cu vial. Na mit kuak dum cu a tlau ter lai.

Na mit kuak dum cu tlau dih nakhnga bawmtu si ko seh……

Ref:Duwun