Pathian he ai chawnbia hmasa lomi hruaitu

Pathian he ai chawnbia hmasa lomi hruaitu hi Pathian a duh taktak mi an lo ngai tawn. 

Saul siangpahrang kong kan zoh tikah bia tthattha cu a chim tawn i Pathian biaknak kuang zong a sinah ai kalpi tawn i phungphai le ulh amh a buarmi hna zong fakpiin dan a tat tawn hna. A ralkap hna nih sathi an eimi sualnak ruang zong ah raithawinak tuah a duh. Cu pinah cun a fapa Jonathan hrimhrim hmanh cu a nawlpekmi a hngalh lo ruang I a buar caah thah cu a hun duh cang (14:43-44). Farasi pawl nih Jesuh thah an I zuam cuahmah ko lio I thiam I coh zau in Aan rawldanghnak rawl ei an I timh kha a lo cang. Cunglei thiannak um hleng loin lenglang thiannak khan thianh an I tim ve (John 18:28). Pathian a zum tuk lem lomi zong nihhin zei maw caan ahcun an fimthiamnak sawhsawh in thil hman hi an chuahpi tawn, Saul ralkap pawl zong nih phung cu a caan ah an buar ve, Saul zongnih cun a van ngaihthiam ve tawn hna “nihin ahcun a ho hmanh thah an si lai lo, zeicahtiah nihin ahhin Bawipa nih Israel mi lak ah luatnak a ser” tiah a ti (11:13). Minung hi Pathian he kan I pehtlaih lo zong ah thilti khawhnak thazang le thawnnak kan ngei ko. Saul zong nih cun Pathian bawmhnak tel hleng loin Filistin pawl cu a tei ve ko hna. Asinain a hruh ngainak a hung langhnak cu a fapa Jonathan nih Pathian bochannak in ral a teimi kha keimah nih ka tei rua tiah a ruahnak kha a si. Cu hlei ahcun afapa Jonathan nih a pa order kan a hngalhlo caah a buar i a thisa in a hrin mi a fapa Jonathan hrimhrim cu thah a timh. Cuticun Saul cu amah duh in a vaivuan ko nain Pathian nih cun I ngaihchihnak caan a pek rih.

Ral cu voitampi a tu i voitampi cu a tei ve ko hna. 1Samuel 14:49-51 ahhin Saul chungkhar hna min le a ralbawi min kan hmuh khawh. Cun Samuel nih 8:11 ah a chim bangin pa hna cu an duhh zong duh lo zong ah ralkap ah a tlakter hna. Pathian nih chiti a thuh ciami a si caah lung tong in a nung lo nain i hrim tthannak caan a pek. Kan pawngkam ah aum mi Pathian a duh theng lomi hna ko hi Pathian bia hmang in mi siik a hmang khun hi an si tawn. Mah le mah tthacem ah I ruah zong hi a fawi mi thil a si, hi ruahnak hi Pathian he I chawnhbiak lo nak in a rak chuak mi ruahnak tthalo a si. Mah cu Pathian bia ah nung theng lo in midang tu cu nan um ning a hmanlo, Pathian bia nih a duh lo..tbk.. in midang nun a chimtu Laimi lak ah ti cawk lo an um. A hohmanh hi kan tling dih lo nain…tling ding in ai zuam ding mi kan si. Pathian he I chawnhbiaknak nih hin kan nunnak ah thilttha tampi a chuah ter lawng siloin midang ca tiang ah thluachuah phur tu kan si lai. Saul cu a mah duh poh in a um ko, a ralkap pawl hna ral kan tei hlanlo zeihmanh ei hlah uh tiah bia a kam ter salam hna..an rawl ttam an celh ti lo ah caw an  thah i a thi he an ei caah Moses nawlbia tiang in an buar ..Asinain tthabik ah ai ruat peng rih ko. Kan mah duh ning  poh  in kan um ko zong ah,,kan nunnak ah harsatnak nih a kan tlunh taktak hlan ah cun kan puarhrang in a tthacem ah kan i ruat tawn. Chunglei nunnak ah cun thlacam hmanh athiam lo mi an tam.  Saul cu a nunnak ah a ttumchuk cuahmah mi cu a thei lo, Pathian bia ah ka um lo, Pathian nih a ka kaltak cang ti zong a thei hlei lo..cu bantuk te cun kan nih zong hi kan si ve kho men. Kan nunnak I zohtthan hna usih tiah kan sawm duh hna..