Pathian nih Mi ai thimning

Pathian nih Mi ai thimning

Bible chung i pa ralttha hna hi kan mah bantuk mi sawhsawh te an rak si ko. Pathian cu Pathian a si i zeizong tuah khotu a si caah mi sawhsawh a simi hna kha pa ralttha ah a sertu cu Amah a si. zeitindah a ser hna?

1.Minung nih Kan lo cikcek cang kan ti hnuah khin Pathian kut cu a lang tawn. Samuel cu a lung a dong cikcek cang. Siangpahrang ttha ka hmuh a ti i, pakhat hnu pakhat an rawk lengmang. Asinain Pathian minung ciammam, a lung a dong lo, Filistin ral teit ding ah Israel miphun hruaitu ding cu a kawl tthiamtthiam ko rih.

Cuticun kan si cio tawn ko, cu liote cu Pathian a cawlcangh lio a si ve. Samuel cu hanbeidong i a um lio ah Pathian nih  a thawh i “Zeicadah ngaihchia in na um lai..?”tiah a ti. Pathian aw a theih i a hun i timhtuah lio ah khin “Naa ki ah khan chiti rawn law kal tuah” a ti. Ka kal lai a ti ah khin “Na lam ah kal tuah” a ti rih. Cu tikah cun Pathian nih a ka hruai ko ti kha a hngalh.