Pathian mi thimning(2)

Pathian mi thimning(2)

 

Pathian nih a sal le cu a thli tein a timh hna ti ka hngalh. Pathian nih Jessi fale chungin siangpahrang ka thim cang a ti (1Samuel 16:1). Pathian thil tinhning cu a thli tein a si. Zeicahdah Pathian nih a rianttuan ding ah a ka thim ti hi kan hngal kho lo i, a nawl kan zulh ahcun a kan thim lo awk zong a si hrimhrim lo.

Pathian nih David a thimka ahhin a hohmanh hngalh lomi, mi sawhsawh te a si ko nain Pathian a zum bakmi a si. David nihcun hitihin a ti “chiandeih kut chung le vom kut chung zong in a ka chuah ko lai a ti. (1Samuel 17:37). David nunning ruah tikah hin Samuel a ton hlanpi hin Pathian a hngal cia le a um ciami a rak si cang. Cucu Pathian nih a rak hngalh cang caah a si. Khrihfa tampi cu kan thang lo nain tthan kan duh. Kan tthat lengin tthat kan i cuh i kan theih lo mi zong thei ah kan i ruat tawn. David kha cuticun a rak um. Mi nih cun an hngal lo, asinain Pathian nihcun a hngalh.

Zumtu taktak cu cuticun an si, mi hngalh lo tein an um zar lio ah Pathian nih thil lianngan a timh piak tawn hna. David nih training a lakning hi daitein um ziarnak in a si. Minung hawi sin hmanh i lang chuak loin Judia ramcar chung ah vom lak le ngal lakah, cakei le chiandeih lak ah khua a sa. Ahohmanh bochan awk an um lo, Pathian lawng ai bochan. David cu Salm hla phuatu le ralkap minthang a hung sinak cu hlan lio a nun le a sinng ruang in a si.

Samuel cu Bethlehem khua cu a hung phan i, khua upa hna cu an lau ko. Profet pa a rat hi zeidah kansual hnga? an ti i sual phuhrunnak a ngei deuh mi cu a thli in an zam(phung.28:11). Samuel nihcun nan thin phang hlah u, nan mah he raithawinak tuah ti awk ah ka ra tiah a ti hna. Jessi an timi pa cu an khua upa minthang pakhat a si i, amah le a fale hna cu meeting ko tu ah cun a hun hman hna i, raithawinak i pekchanh awk thilri a damhtu ahcun an hung tang. Cu lioah cun David cu a rak i tel lo. Hngakchia a si rih caah meeting tuah le khuachung rianttuan a tlak rih lo caah an ttu an khalhter. A ho hmanh nih David ai tel ve lo tiin an hlam lo, asinain Pathian nih cun ahohmanh nih hngalh lo mi zong hi a mah dawtu le ttihzahtu an si ahcun a rak theih peng hna i a thim fawn hna. Apeh um rih>>>>page 1 ah kir or page 3 ah kal