Petu sinak ah um peng ko

Petu sinak dirhmun ah kir tthan.....
Ka rak no I a tu cu ka tar cang, asinain hi vialte chung ah hin mittha cu Bawipa nih ahlawt kha ka hmu ballo I a fale zong rawl hal in an vah kha ka hmu bal lo. Siang tein mi kha a pek zungzal hna I a coih zungzal hna, cun a fale kha thluachuahnak an si (Salm 37:25-26).

Achel caan ahcun minung nih Pathian sinah an pek tikah, chikkhatte ah phaisa hmuh tthan an i tim tawn. A si ko, phaisa in thlaici na tuh tikah, Pathian nih thluachuah a pek i, na thlaici cu a karhter. Asinain, na thlaici tuhmi kha nangmah sin ah phaisa hrimhrim in a rak kir tthan lai tinak a si lo. A petu na si caah a dangdang thluachuah khan na sinah an phan kho. Mah thluachuah hna cu, phaisa nakin a ngandeuh mi thluachuah an si kho.

Phaisa nakin a ngan deuhmi thlauchuah an um. Pathian nih na nunnak ah hmun lak a duh ca ah pek an duhmi na theih lomi an um. Nu le pa cheukhat nih thla voikhat an camnak in an fale lung kha Pathian nih a tongh nakhnga an I ruahchan. Asinain a mah cu Pathian inn ah a petu an si ahcun, an pekchanhnak le an i pumpeknak nih  an fale cu Thiang Thlarua umpinak tang ah a rak hruai ko hna lai.

Bawipa sin ah na pekchanhnak nih na nunnak ah zeidah an tuah piak khawh timi cu thei law a ttha tuk hnga. Nangmah he ai pehtlai mi cung poh ah Pathian Thiang Thlarua he pehtlaihnak an tuah piak I, na tuah mi kip ah a theipar an tlai lai. Cucu nihin calawng siloin thaizing le zungzal ca tiang a si. Cucaah a petu na si ahcun, pe peng ko. Na pek rih lo a si ahcun a tu I thawk cang; pek dingin caan ttha na hmuh tik caah poh ah I lawm ko. Zeicahtiah Thiang Thlarau nih na nunnak ah thil pakhatkhat tuah a duh caah a si, mah nih cun na nun timhnak caah rian a ttuan lai.
Pastor, Chris.