Thawngttha
hi ka zahpi lo, zeicahtiah a zummi vialte hna caah Pathian khamhnak hmual a si,
Judah mi hna ca ah a si hmasa I cun Jentail mi hna ca zong ah a hung si (Rom
1:16)
Minung hna
ca ah khamhnak le nun duh dim an ngeih nakhnga ding cu Pathian thin lung chung
ah a lianngan bikmi saduh thah cu a si. A biapi bik ah aruah mi cu minung kha a
si I, a Fapa ngeihchun kha vawlei mi hna caah raithawinak ca ah thiding in a
pek mi cu a si. Bawi Jesuh Khrih cu thinlung kuai mi hna damter tu ding, a
zawmi hna dam tertu, ruahchannak a ngei lo mi hna ruahchannak petu, thazang der
mi hna thazang thar petu, misual mi hna nih dinfelnak an hmuh tthan khawh
nakhnga ca ah a ra. “Zeicahtiahcun Pathian nih a Fapa cu vawlei cung ah hin vawlei
biaceihtu si awk ah a run thlah ttung lo, vawlei khamhtu si awk ah pei a run
thlah cu” (Johan 3:17).
“cuticun,
Pathian nih harnak an inmi chung in Pathian a ttih mi hna khamh cu a thiam I
mitthalo pawl cu biaceih ni tiang dantatnak tang I chiah cu a thiam” (2Pet.
3:9). Amah duhnak cu mivialte nih khamhnak a thil ti khawhnak hmual kha an
theih nakhnga a duh, cucu Khrih Jesuh khamhnak thong ttha kha a si. A cung le
biatlang tar Baibal chung ah “Thawngttha hi ka zahpi lo, zeicahtiah a zummi
bialte hna ca ah Pathian khamhnak hmual a si, Judah mi hna ca ah a si hmasa I
cun Jentail mi hna ca zong ah a hung si”(Rom 1:16). Phung dang in kan chim ah
cun, Pathian nih minung hna kha khamhnak Thawngttha lo in cun khamh khawh nak
lam pakhat hmanh a um lo; A tthawn nak thazang a zatein hi thawngtthabia chung
ah ai fun dih I, cucu a zum mi hna an ca long ah a rianttuannak a lang. Nang
zong na zumh ve a si ah cun, na nun ah rian a ttuan ve ko lai.
Na theih
fian ding a herh mi pakhat cu khamhnak ti mi cu a ngan ngai ngai mi biafiang a
si! Khrih nih khahnak ca ah a tuah mi kha a za tein pakhat ah an fonh dih mi a
si. Khamh timi biafang cu zungzal nunnak na ngei, cu nunnak cu zeizong vialte a
tei dih tu Pathian nun nak a si. Nang cu Satan tthawnnak chung ah harnak tong
tu ding na si ti lo zawnak chung in na luat cang; harnak phunphu le zawtfahnak
ttemttawn nak chung in na luat cang.
Khrihfa
pakhat cu khamh a tthat hnemnak chung ah kan I nuamh lawng si loin, vawlei cung
mi kip sin ah kan thanh chin awk a si. Bawi Jesuhnih vawlei cung pumpi ah kal
uhlaw thawngttha va chim u a kan ti lio ah khan(Matt.28:19-20), a chim duh mi
cu khua le ram kha a si lo, vawlei cung I a um mi minung nun can phunphun kha a
si. Rianttuan tu chawlet, sihni, sianghngakchia, le mi vialte hna khan an si.
Asinain zei
na tuah poh ah siseh, thlarau tlau tlaih cu nai timh mi a sang bik si ko seh,
na umnak hmun kha na thawngttha chimnak hmun si ko seh. Na thei ding mi cu
khamhnak thawngttha cu Pathian nih misual mi hna khamh nak ca ah tthawnnak a
ngeih mi cu a si.
Like & Share
0 comments:
Post a Comment