Zeiruang ah dah kan i tuaitam peng

Zeiruang ah dah kan i tuaitam peng

Khrihfa thar hna nih thlarau lei nun ah tuaitam tu tampi kan nei.

Khrihfa thar kan si tik ah Khrihfa a rak si cia mi nun le kan nun hi kan cawh sual tawn. Hi ruang ah hin mitampi cu kan buai tawn taktak. Caan khat te ah Jesuh Khrih cu a ka khamtu, ka sualman pekawk caah a thi i a thotthan ti na zumh bakin, cu na zumhnak thawn cun a lak tein zungzal nunnak na hmuh cang, van ram lei a panh mi lampi ah na um cang.  Cu caan thok cun na tuahmi thil poh ah zeitindah Pathian nih Amah hngalhdeuh le Amah upat ttihzah na thiam deuh nakhnga Khrih he pehtlaihnak ngeiin tthangcho she ti an duh.

Khrihfa thar hna cu thilttha tuah hlawknak an theihfian lo caah an i tuaitam nak a si. Pathian nih zumlotu cu vanram kainak caah nun ziadawh in nun a fial hna lo, zumtu lawng vanram ah a kal lio cangmi kan si caah nun canttha in nun a kan fial. Khrih ah na zumhnak na chiahbak khan, Pathian nh an pek cia mi ruang ah Kailawmti langhternak cu na nunnak hi thilttha tuahnak ah hmang dihseh ti ann duh. Hibak hi Efisa 2:10 nih a chimmi cu a si, “Kannih cu Pathian kutchung chuak kan si i Pathian nih thilttha tuahding ah a rak kan tinhmi kan si bantuk in Khrih he kan i pehtlaihnak thawng in thittha cu kan tuah khawh nakhnga a kan sersiammi kan si” a ti.

Khrihfa thar hna nih cun Khrihfattha si khawhnak ding ah i zuamnak a hau timi an philhsual tawn. Khrihfa na sinak ah nai lawmhnak a nganchim lengmang nakhnga Pathian nih an duhpiakmi thilthar cu midang nih an tonning nakin a nuardeuh men ko lai. Nu nunnak ah rian a ttuankhawhnak hnga le tthanchonak lam an chimh khawhnakhnga Pathian cu caan pe ko.

Cuhlan ah hi kong hi na hngalfian deuh rihlole Khrih cu na khmahtu ah na rak cohlan balrih lo a si ahcun Khrih lawng hi a ka khamh khotu a si ti na zumh a hau.

Hika ahhin Khrih ka zumhko ti langhternak caah thlacamnak nih ahohmanh a khamh kho bal hna lo ti belte cu zangfahnak in i fiang hmasa. Thlacamnak cu Jesuh Khrih an khamhtu i na zumhnak kong na hei chih khawhnak lam lawng a si.

Dawtu Pathian, misual ka si. Ka tthatnak, ka zuamnak, tipil ka innak, Khrihfabu chungtel ka sinak vialte hna hi vanram kainak caah kai bochan hna lo. Khrih lawng a ka khamh kho tu ah ka zumh. Ngeihthiamnak le zungzal nunnak cu a tu ka ngeih cang caah kai lawm tihi ka thlacam a si.

 

Zeitindah Khamh fiannak cu ka nunnak nih a thlaihchih khawh penglai?

Hi kong he pehtlaiin ruahnak pahnih a um. (1) John 5:24 le IJohn 5:11-13 hi biahal law nikhat voikhat in kar zeimawzat ruat tthan peng. Khrih he nan i pehtlaih nak kong he pehtlaiin a voikhatnak lunghrinnak na ngeih bantukin, hi cacaang tete hi ruat tthan hna. Khamh i fiannak timi cu kan mah nih zeitindah kan ruah timi cung ah ai tthum mi siloin, Amah cung ah ai tthummi a si. Nang na ruahnak ahcun,,lunghrinnak a um ko lai nain kan mah ruahnak men si, Pathian ruahnak a si lo. Pathian nih Khrih thawngin na caah a tuahmi thil kha midang sinah chim i zuam. Nitlak hlanah minung pahnih sin ah na tonmi thil kong cu va chim hna. Cu ti cun na tonmi thil nih na nunnak cu a fehter lai. Cun kha mah le mah lunghrinhnak kha Khamhnak aamahkhan(Assurance of salvation)na tlak cham ruang ah a si, Pathian lei ah naipek a hau, a lam kip in Pathian lei ah i pe, na Thlarau nun a tthang lai i, khamhnak aamahkhan na tlakchamnak zawn cu a tlau lai. Chim duhmi cu Khamhnak aamahkhan na tlacham ti cu khamh na si rih lo tinak a silo, khamh na si le cang ka in na duh ning in na nun a tam deuh caah, nangmah ah lunghrinhnak a rak lut mi a si.

Khamhnak hmuh hi a hartuk ah kan ruah tawn. Hi ka ah kan cawnmi cu Pathian sinah misual ka si ti thei buin na rat i Khrihnih na caah vailamtahnak cung ah a tuah ciami na zumh a si ahcun vanram na kai lai ti cu fiang tein i hngalh khawh a si ko. A caan ah tuni cu Pathian nih voidang nakin a ka umpi rua lo na ti caan a um men lai,, khakha nangmah ruahnak men a si, a cung te i kan chim cang bang in Jesuh Khrih kan cohlan hnu ahcun khamh kan si tinak a si, khamh kan si hnu ahcun Pathian Thiang Thlarua cu kan mah ah a um zungzal. Zumhnak hi a hartuk ah ruat hlah, Khrih lawng vanram ka kai khawhnak aamahkhaan a si ti kha zum philh hlah. Nai ruah le ruah lo nakin khamhnak an pe hlei lai lo. Khamh ka si ko na tinak in khamh na si lo i, Jesuh Khrih cu ka sualman leiba a ka pek piaktu tiin na khamhtu ah na co hlan te lawng kha khamh na si khawhnak lam umchun cu a si. a dang zeihmanh a um ti lo.  Pathian nih thluachuah kan pek piak ko seh. Amen.

Like & Share in midang nih an rel khawh ve nakhnga rak i thawh ve…..