A pahnihnak United State president John Adam kong lam tawi
John Adam a pahnihnak United State president (1797–1801)
Achuahkehnak le Sinak
John Adams cu October 3, 1735 ah Massachussetts
State(Quincy) ah a chuak. A hngakchiat lio ahcun mi der, sang a si. Kum li a si
ah ca rel ai thawk i kum ruk a si ah sianginn a kai . Kum hra a tlin 1745 ah
Massachcussets State ah Spelling rel zuamnak ah pakhat a a hmu.
Lentecelh lei kam hi a huam mi a si. Lentecelhnak ah teitu
si lo hi cu a duh in a duh lo i biatak tein a zuam. Apa le a u le pawl hi
ramvai sakap an si i, a mah zong hi ram vaih le sa kah a thiam ngai ve. Indian
pawl sin ah um in an um ning le an si ning zong tampi ai cawn ve. Mirum hi thil
an ti kho tiah a au tu zong a si. "Mipum tampi nakin phaisa ngei tu hna i
bawmhnak cu dinfelnak le zalennak a kil ven khawh deuh" tiah a ti. Pe 5 le
Zung 7 sang a si. A hung upat deuh.hnu cun a thau pah mawm nawn in a um.Hi ti a
um ruang ah mi nih min deu an sak i His Rotundity or His Roundness tiah an sak
i a mah nih cun a duh lo. Thawngzamhca hmai ah a min deu an țial i a țialtu cu a
challenge bak colh ve ko.
Hnakruh tlau hmu
Kum 29 a si ah Abigail Smith timi Pastor fanu he 1764 kum ah
an i um. A nupi hi a mah nakin kum hra hrawng hngakchia a si.
Arianțuan mi
Harvard University in Graduate mi pa za bak a si. Cu hnu ah
Boston ah dan(law) lei he pehtlaiin riantuan tu a si. Ramkhel lei ah cun a mah
hi Continental Congress member(US zalennak an hmuh ka i ram hruaitu hna an auh
nak a si, tu ah cun United in an dir hnu cun Federal Congress tiah an thlen) ah
timi a si. Cu committee ah cun chairman in term 25 a țuan. France, Holland(tu
ah Netherlands), Britain ram hna ah Ambassador rian a țuan. America president a
țuan hlan ah G.Washington tang ah Vice President term hnih tiang a țuan.
1773 December 16 ah Boston TeaParty min bunh in British lawng chung um mi lakphakfe buri 5 hrawng anhlonh piak dih hna. A thlithup in tuah
mi a si ca ah a hlonh tu hna hi red indians thuam in an i thuam. Cu ah hotu bik
cu John Adams hi a si.
Amah hi political science thiam mi a si ca ah dan lei rian a
țuan nak ah mi fak le hlawrh ai hlawh mi zong a si. Awkam hna hi cu a nal bak
in a nal mi a si. Pa tling tak in biachim a uar tu zong a si.
1797 kum President i cuh nak ah Adams nih Thomas Jafferson
cu a tei i President ah thim a si. White House innpi khi a hngak hmasabik tu
zong a si. Inn thar ti fam cu a nupi Abigail zong inn thianh le dum thing
buldan duah ah a buai ngaingai ve. An fapa upabik John Quicy adams hi president
fale lak ah a hmasa bik president țuan tu a si. President hi term khat a
țuan..Thomas Jafferson nih vote 65 ah 73 in a tri ca ah term hnih nak cu Thomas
Jafferson nih a chawn.
President a țuan chung ah Congress Library pi zong dirh a si. Washington DC zong capital ah chiah a si. Sam lem zong hman thiam a si hlei ah Tawhrolh par darh zong a zut ter an thiam cang. Amah hi Unitary Khrihfabu member a si.
A caan hnu
1826, July 4 ah a thaw a cat. Hi ah hin kum 90 le thla riat
a si. Athih lai ah a chim mi cu "Thomas Jafferson a dam rih ko i zungzal
daih nak ram.." ti hi a si. Hi ni ahhin Thimas Jafferson President
chawngtu pa hi a thi ve.
Ref: internet. Aboigraphy of USA presidents
0 comments:
Post a Comment