Thazang peknak le forhfialnak cabia te hi rak rel ve
Na nunnak ah a biapibik pakhat cu nai "Tinhmi" a si. A tang hmanthlak bantuk hin cetnawnglak ah kal caan, vawlei min nih na kal nak lam a rak phih caan, lungpang cung i thladuk ngai in kal caan le ruahsur lak le ceknawnglak ah kal kho lo in zaan khat zaan hnih riah caan, cu chapbei ah khuasik le rawlțam ngaiin um caan hna hi cu nai tinh mi lamtluan ah cun an um. Asinain a tang hmanthlak kan hmuh mi khualtlawng pawl hi Kalay in Hakha lei ah an i thawh kan ti lai..an van i thawh i lam lak ah hi ti hin harsatnak phun kip le țihphannak he an tang..sihmanhsehlaw an lung dong in Kalay ah a kir țhan mi an um lo , hmainawr in Hakha an phanh hlan chung cu an lungdong lo. A hohmanh khi Hakha phan lo an um lo.
Nikhat phan ding kha nihnih hnu ah maw, nithum hnu ah maw an phan dih. Nun(life) hi Kalay in Hakha ah khualtlawn ai thawh mi pa bantuk a si. A lamtluan a harzia cu kan chim cang kha..asinain ai tinhnak hmun Hakha cu a hnu ah cun a phan. Kan i tinhmi hi kan thazang thar tertu a si i lungsau in a kan um ter i tuar khawhnak a kan pek. Unau nai tinhmi nih khan tuar khawhnak an pe maw?
Zumtu kan si nak ah tuar khawhnak le thazang a kan pe tu cu kan ruahchannak lawng hi a si ko. Cu bang in hi vawlei na nun chung ah zeibantuk poh khi nai tinhmi a va si ko hnga..kha nih khan ruahchannak, lungsau thinfual nak an pe maw? An pek lo a si ah cun tinhmi na ngei lo tinak a si. Huam mi lawng na ngei.
Tinhmi na ngei maw? Huammi dah na ngeih. Tinhmi na ngeih lo cun a hnu ah phaknak ding hmun a um lo i hlawhtlin timi a um kho lo..harsatnak maw, nun nuamhnak maw na ton tik ah tong ton i ton sawhsawh men a si ko. Hi bantuk te hin Pathian kan zumhnak zong ah hin a si ve.
0 comments:
Post a Comment