Khualtlawn tik ah Mawtaw ri lo ding in zeitin kan tuah lai

Khualtlawn tik ah Mawtaw ri lo ding in zeitin kan tuah lai

Mawtaw riit hi vawlei cung ah a harbik a si men lai tiah mino pakhat nih a chim bal. A har taktak ko. Cu caah mawtaw rii lo ding in a hlankan in i ralrin ah a ttha. Mawtaw i cit tikah Mawtaw thawng nih nih hna a phih, Mit in le Mawtaw kal lio cawlcang mi a hmuh tikah, lung a mit, mit a ril, paw nih a hman lo luat a hung chuak. Cucu Mawtaw rii tiah auh a si. Micheu cu mawtaw riit lonak ding ah a tthabik cu Zu a si tiin zu an ding, hlennak pakhat a si ve, Khrihfa nun a mui a chiat ter. Cucaah a tang ah zeitindah mawtaw rii lo ding in kan tuah lai…timi zoh hna usih.

Mawtaw rii lo nak ding ah tuah ding hna cu…

1.Mawtaw nai cit tikah hmailei zoh khawh i zuam. Hmailei zohnak a um lo tikah riit a awl. Hmailei kan zoh tikah kan hna le mit kha hmun khat an um tti kan ti ko la, cu tikah hna a chek lo, lung a fiang in, lung a mit lo i riit a har.

2.Lam kam thingkung hna kha zoh hna

 Lam kam thingkung pangpar kung hna zoh khi, mit a dam I, lungmih a kham caah mawtaw rit a har. Cucaah a si khawh ahcun hmailei hawi deuh in thingkung, ramkung zoh hna law…co hmanh ahcun a nai tuk mi kha zoh hlah,, a hlat deuhnak fingtlang khi zoh hna…

3. Holh tam, tlawkbur in um

Mawtaw i cit tikah daitein to men hi mawtaw rit a fawiter. Cucaah na hawi le he nan si ahcun bia i ruah uh, tlawkbur in um u law…lam caan zong a tawi in na thei lai, cun na ri hrimhrim lailo.

4. Cil cha hlah

Mawtaw nai cit tikah rit nai tim maw, asiloah na um dan a dik deuh ti lo, na cil a chuak, khan caan ahkhan na cil kha cha hlah dolh i zuam, Ci dolh tikah rit deuh dawh khin a um asinain thlennak a si,,,na dolh khawh ahcun na ri lai lo,,,asinain na dolh duh lo ahcun na cil a rak chuak deuhdeuh lai i,,na ri colh lai,,na luat colh ko lai. Cucaah na cil na dolh khawh peng nakhnga,,a thur mi pakhat khat ei piak,,,cun Ti kha tamtuk loin tlawmpal tete in din piak lengmang,,na kam tleuhnak ah…..

Mi cheu nihcun mawtaw rit cu paw tthatlo ruang ah a si an ti i Daizin tampiin an ei i, a ttha deuh ka ri lo an ti. Thlennak men a si, Daizin hi dam ko ahcun tamtuk ei ding a si lo, paw caah ttihnung a si. Sii na din ding ahcun mawtaw rit lo nak sii kha ding ko,,asinain daizin cu ding duh hlah,,,,zuu zong ding duh hlah. Zumtu nun he ai rem lo. Mawtaw na rit ti lo nakhnga bawmtu si hram seh. Kai lawm.