Lunglawmhnak

Lunglawmhnak

Adam le Eve nih Pathian bia an ngeih lo le cangkain an nunnak ah lunglawmhnak timi an ngei lo. Cu ti nawlbuar in an um tikah Eden dum chung ah thiltthalo a cang rih sual lai tiah Dum chung cun tthawl an si. chia le ttha thleidan khawhnak theitlai an ei lawng s loin nunnak theitlai hna rak ei sual hna sehlaw zeidah an va lawh hnga.

Eden dum in an chuah hnu an nun hi a fawi hrimhrim lo. Nifatin an ei din ding ruat in har taktak in rian an ttuah a hau, hmunkip ah harnak le ttihnak, thihnak lawng te an si. saram hrang nih an tam. Cu lawng hlah an fapa u pa deuh nih a hngakchia deuh a tthat, lainawnnak a um. Zeitluk in dah ttihnung a si. sualnak an nunnak a uk tikah lunglawmhnak samfa tia te hmanh an ngei ti lo. Kan mah fimnak in kan duhthimnak nih a chuahpi mi nun cu lawmhnak a um kho lo. Asinain Thlarua lei nun ah tluk buin lawmhnak lem ngeih khawh a si. Cu hna cu hi leicung thilri kan ngeih mi chaw le va ruang ah an si kho. Cucu mah le mah i hlennak men a si. Bible rel bal lo, thlacam bal lo, rawl ei le ih lai lawng ah thlacam hrawng in kan i za tawn, cu bu cun kan mah ah lawmhnak ngei bantuk in kan um rih. Hi bantukin na um sual maw? hlen nak men a si kha philh hlah. Zeitindah rawl a ei ballo mi cu a paw a khim khawh bal hnga, zeitindah Thlarau rawl a ei bal lo mi nih cun Pathian Thlarua sin in a ra mi lawmhnak cu a ngeih khawh bal hnga.

Thihnak a um ruang ah lawmhnak cu lo dih hmansehlaw, Pathian nih a fap ngeihchun a van thlah tthannak thawng in lunglawmhnak thar a um tthan. “Mivialte caah lunglawmhnak thawngttha ka van ken” tiah vancung mi nih a ti. Jesuh Khrih nih rian a thawh tikah Mitcaw nih khua an hmuh, dam lo hna nih damnak an hmuh, mithi tiang in an tho tthan (John 11:25-26; 1Kor. 15:3-4). Lunglawmhnak taktak chung muril cu Jesuh Khrih a si.