Bia ttha tein theih khawhnak

Bia ttha tein theih khawhnak

Ka Hna a fak tawn ruang ah ka buai ngai tawn. Cucaah pakhatkhat cang in um sual lai tiah ttha tein thlopbul awk ah Hna lei thiamsang Sibawi pa sin ah ka va kal. A zoh tikah kan hna ek khal vialte kha nemter, cu hnu ah thiang tein cawih a rak hau. Cu hna ek khal hna ruang ahcun kan Hna a rak chet pah tawn nak kha a rak si, cu vialte lak dih hnu ahcun ttha tein theih khawhnak ngei tthan ding ti a si ruang ah cawih dih awk ah ka lung a tling.

Minung kan nunnak chung ah Hna in theihkhawhnak hi a herhtuk mi a si. Cubantukin Pathian he kan i pehtlaihnak ah A bia tthatein theih khawhnak hi a biapi tuk mi a si. Sam. 40:6 nak ah Pathian nih a duhbikmi cu A bia ngaih hi a si.

Voitampi cu kan pawngkam au thawng phunphun hna, phunttanhnak, tukforhnak le sualnak hna nih hin kan Thlarua lei theihkhawhnak Hna a kan phihpiak tawn.

Kan thiunlung dihlak he Amah sin ah i pe usihlaw kan Thlarua theihnak Hna a chet mi cu a dam lai i, Abia theihter a kan duh mi cu ttha tein ngai hna usih. Cuticun Abia cu kan lungthin chung ah a cam ter lai i, cu hnuah Amah duhning bantukin kan nung kho in khua kan sa kho lai.

Ref:Bill Crowder (Nifatin Thlarua Rawl).