Zei Sullam dah a si
Hlan lio ahcun Science cathiam pawl nih Kengruh a ngeimi thilnung lakah a nun a tawi bik saram cu tarkoi killifish an timi nga fate phun a si tiah an rak ruah. Cu nga fate phun cu Africa a lumnak ram tibungkur chung ah a ummi an si. Tibungkur a reu hlan zarh 12 chung lawng a nung kho mi an si.
Asinain Australia i James Cook University i hlathlaitu hna nih a cunglei nga fate phun nakcun pigmi gobi nga a fate deuhdeuh chinchin mi phun hi an nun khua a tawi deuh tiah an hmuh. Cu nga hna cu rianrang in an tthang i an no lio te ah khulrang in an thi tthan. Cu nga fate cu ti ne lung lakah an um i ni 56 chung lawng an nung kho. Fawite in fa an hrin caah an ci a mit kho lo.
Mah bantuk in khulrang in an tthan le an thih cu zei sullam dah a si? cu biahalnak cu vawleicung mifim bik pa nih a hal mi bia a si. A tar lei ah cun Israel mi hna siangpahrang a pathumnak a ttuanmi Solomon zong Pathian sinin a vakvai ve. Thlarau lei in a tlau i a nunnak caah tinhmi le lam hmaan a thlau hna. a nunchung i a tuahmi vialte kha a zoh tthan tik hna ah santlai in a hmu hna lo. A Pathian a theih tthan hlan vialte cu (Phungchimtu 12:23-14) kan nunnak hi kanmah ca lawng ah a si lo. Amah a kan biaktertu le a zungzal amah tthangtthat awk in a kan nuntertu cu Bawipa a si, ti kha a philh.
Kan nunnak caah a biapi mi cu ni zeizat set dah kan nun khawh lai ti si lo in zeitindah zungzal a nungmi Pathian nih kan caan kha hmanter a kan duhpiak ti tu a si. – Mart Dehaan
Caan cu Pathian laksawng a si, A ttha bik hman ding in. amah duh ning in nun ding le Amah suaipiak ning zul.- sper. Nun caan a tawi, Bawipa caah nung tuah.
Nifatin Thlarua Rawl..
0 comments:
Post a Comment