Zungzal in a him

Zungzal in a him

Amy Beth cu a uico lam lenpi duh ah an innpawng hrawng i a chuah lioah mino pakhat cu innkarlak lam i a tlik kha a hei hmuh. A hnu in mawtawka pakhat nih a zulh. Mipa nih a kiang i thingtan nganpi pakhat a lak i mawtawka tuk a timh. Mino pawl tulvelhnak hmun ka phan ko cang hi ta a ti i Amy Beth nih thi deng in a ttih.
Mawtawka mawngpa nih zam duh ah chikkhat lo ah a mawtawka cu khulrang in hnulei ah a thawn. Cutin a thawnnak ahcun Amy Beth cu a ttaih. Amy cu mawtaw cungah a hlawnh i cuka cun lam cungah a tla tthan. Sihmanhsehlaw, faktuk in ai khon lo caah khuaruahhar a si.

Cu hnu ah ai khondennak cu a tthatnak lei I a mer khawh i zeihmah a poi lo tiah a ruah. A sicannak kha Amy nih hitin a chim. “Thil ttha lo thihloh tibantuk chiahru pipi cu an um lengmang ko. Thil ttha zong an chuak lengmang ve, khuaruahhar in khamhnak ti bantuk. Cu thil hna cu kan sinah ruah lopi in an tlung ttheu. Asinain kan lung a kut in a pomtu Pathian sinah cun cu hna cu ruah lo mi thil an si lo. Zeitintiah temh-innak a ra lai ti cu amah nih a hngalh. Sihmanhsehlaw, Pathian a tthatnak cu minung sin i a chuakmi harnak vialte nakin a ngan deuh mi a si” a ti.

Zawtfahnak ngaihchiatnak le thihloh kan ton tikah kan mah lawng in kan um lo. Pathian nih cu vialte cu a uk dih hna. Mittha nih harnak tampi a in tawn, sihmanhsehlaw harnak a inmi chung khan Bawipa nih a khamh (Salm 34:19). Nikhat khat cu amah sinah himte in kan um te lai tiah kan hna ngam ko she..

Ka harnak vialte theitu cu pakhat lawnglawng a um. Amah nih ka herhmi poh ka hal tikah a ka pek.

Nifatin Thlarua Rawl…