Nang Zuun ngaihnak cabia

Nang Zuun ngaihnak cabia

Dawtnak thlizil cu a hrang chialmal i kei ka thinlung cu kikzialmal tein a van hranh ee. Cu le cangka dawtnak mi a vang i ka hmai um mi ka zoh hna ah khin dawtnak in ka khat tawn ee. Cu tluk in ka lungthin nih dawtnak innka a on lio ah cun………… ka dawt nang na rak lut hmasa ee. Cu ti cun dawtnak lungput, mit au le tuahsernak ah kan pahnih nuam tein kan lengtti. Kan ngaih khun tuknak cu ka dawt “ ka lungrawh caan ah na ka hnemh tawn i, ka thinhun caan zong ah na ka theih thiam nak le dawtnak he na ka tuam hlawmnak hi an si. Lungduh bia phai buin hi vawlei parnak hna kan i lawmhpi tawn. Motorcycle kan phirh i ka siangcung ah na khabe na chiah, na kut in na ka kuh i dawtnak bia sung hna kan phaitti tawn kha, ka thitha nih a philh kho lo ee. Kan I dawtnak par a ho poh nih a hmui tuk ee an kan ti tawn.

Kan i dawtnak  cu thihnak dah lo tthen kho tu um hnga maw tiin phai hna seh mu tiin biatiam kan rak tuah. Dawtnak min an zoh tu na Khuaitizu na kal tak hnu in nuamhnak hi na hmuh lai hmanh ka zum kho rih lo. Tang dang cu va pom hmanh law,,,na buziksaisem a chuah ka zum kho rih lo ee. Dawtnak ruang ah a chuak mi zuunngaihnak ruang ah kan i kuh kan i rek zawn ah khan ka busiksaisem a chuak dih na ka ti kha ka thinlung chung a thuhnak bik ah ka ttial ee.

Ruah lo piin a ra mi phone call ruang ah na lung ai mer khawh hi cu kei ka caah cun zumh a har ko. Messenger hi ka lungkuaitertu ding ah maw an siam hnga. Kei mah bang mitampi lung a kuaitertu a si ve ko lai ti zong ka zumh. Fb ah ka dawt ka ngai tuk cang tiin kan pahnih hmanthlak na tar mi ka hmuh zawn ah khan kai nuam tuk i..um dan ding hmanh thei lo in ka um. Lawmhnak  nih a ka khuh dih bantuk ah ka ruah ee. Zaan ih lai dawtnak bia thlum phai dih hnu ah mangttha mu na ka  kha ka hna thlam a cuang peng ee.

A tu lio cu mu ka dawt,,,fb zong ka zoh ngam lo ee…mi dang pakhat nih feature photo ah na hmanthlak an tar mi hmuh nolh sual lai ka phang ee. Dawt a hnu cem ah thil pakhat tein inhal ta ning law na ka ruah piak kho hnga maw? Zangfah tein na hmanthlak kha mi dang pakhat he fb ah tar in ka dawt te ka ngai tuk cang tiin post hlah law na kal tak mi kei ka lung thar tertu a tlawm deuh hnga.

 A hnu bik ah na zuunngaihnak cabia te hi pel lo tein rak ka rel piak ve mu. By VANVA