Nupi Pasal a ngei zau ding mi sin ah cakuat

Nupi Pasal a ngei zau ding mi sin ah cakuat

Nupipasal a ngei zau ding mi mino hna nih theih herh mi tampi kan ngei. Cu vialte cu kan lawn lio te ahhin kan theih hngalh dih awk thil hna an si. Hi cabia ahhin nupi pasal a ngei zau ding mi hna nan dih lak..”Mino” tiah kawh nan si lai. Kan nu le pa tampi zeiruang ah dah an buai lengmang ti khi na ruat bal maw tthangthar mino.

Mino te ka rak si lio ahhin hi kong cu ka hawi le lak ah a ruat pawl ka rak si men ko lai. Sihmanhsehlaw ruah lawng  a za hrimhrim lo..a tak in nun pi a herh hringhran ko. Kan pupa hna nih nupi an tthit ding tikah an mo nu a si ding mi i a pi le pu chan tiang ah an zoh hmasa, cu hnu ah an lungtlin ahcun an tthit tawn. Cucaah an rak tthawng ttha hna. Mi a cheu cu miphun pakhat si kho tiang in tefa an run ngei..(tch..Hlawngchin, Cinzah, Zahau tbk..). Mino hna kan lungfim a za cang lo maw. 

Kan mit nih ai thim mi mo, le pasal cu kan mitthli tlak tertu men an rak si tawn ee…tiah nu le pa tampi nih an chim thawng hi kan hna ahhin a lut sawhsawh ko rih lai maw? Khah, a tak in tuah ve awk kan si.