Pathian țihzah timi a sullam

Pathian țihzah timi a sullam

Zeizong ti khotu Pathian hmai ah dir i kan taksa in țihzah hi a chim duh mi a si lo. Dr. C.I Scofied nihcun 'sual huatnak he upat le zumh' a ti. Bawipa Pathian țihzah ti cu Pathian le Khrihfa zumhnak caah thazang ke thinlung pek a si. Pathian kan duh zia langhter a si. Pathian kan duhnak langhter loin Pathian țihzah ti cu thil cang kho mi a si lo. Deuteronomi 4:10 "Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna. "

Zeitluk in dah a herh i a bia pit ti cu a lang ko. Ro thil cu a si lo, a sinain, a lianbik in a hme bik tiang kan i cawnpiak dingmi a si. Zeidah kan i cawnpiak lai Pathian țihzah ningcang. Kan zapi tein Pathian țihzah dinghi kan tuah ding hrim a si, tuah awkah nawl kan si. Sersiamnak i tinh mi a si..Deuteronomi 6:13 Bawipa na Pathian cu na ṭih lai; na biak lai i a min lawngin chiat na ser lai.Phungchimtu 12:13 "Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna.

Bawipa țihzah (The fear of the Lord)

Pathian țih tihi a dik le dik lo a um. Kan Bible chungah a sunglawituk mi bia a um, țih hlah timi hi a si. Genesis in Revelation tiangah voi 50 lenglo a lang (Gen.15:1; 26:24; Exod.14:13; Isa.43:1; Luke 2:10; 12:32; Acts 27:24; Rev.1:17).

Job 28:28 "Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti. "

2 Samuel 23:3 "Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah, "

Salm 19:9 "Bawipa biak cu a ṭha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si. "

Pathian țihnak a um lo ahcun sualnak a karh i țihnungza, Pathian thin han nak a chuak tawn.na, zeicahtiah minung cu hi nawlbia hna tuah awk caah hin pei rak ser a si cu. "