Kan mah le mah a kan hrawktu kan ruahnak ziaza tthalo

Kan mah le mah a kan hrawktu kan ruahnak ziaza tthalo

A caan caan ahcun kan ral ttihnung hi kan mah lila kha kan si tawn. A ruang cu kan ruahnak nih a chuahpi mi ziaza tthalo ruang ah a si tawn. Cu kan ziaza cu hlonh kan duh tuk ko nain kan hlonh kho tawn lo. Cu nihcun ttihnak a kan pek tawn.

Kan mah nih kan tuah mi lila kha a kan hrawktu ziaza ttha lo ah an i cang tawn. Hlonh duh ko zong ah kan hlonh kho lo, a tthalo ti kan theih ko bu zong ah tuah lo hin kan um kho tawn lo. Cu ti kan um tikah mak kan ziaza lak cun chuak kho ding in raltthatnak hmete hmanh kan ngei kho tawn lo. Cu bantuk ziaza hna lak ah tlawmpal langhter a si lai.

1.       Fawizang tein um duhnak

Zei kan tuah poh ah khin, fawizang tein ei paw hmuh khawh hi kan duh i kan i thim tawn. Tha chuah tuk zong a herh lo nak rian hna cu kan lung nih a duh tawn. Biatak tein i zuam nak ding can ai ah, tha van chuah deuh a herhnak tibantuk ai ah fawizang tein um khawhnak tu kha kan i thim tawn. Fawizang tein um khawhnak chung ah kan luh taktak tikah, cu dirhmun in chuah kan duh ti lo. Minung nihhin a caan caan ahcun nuamhnak nakin a fawizang mi hi kan i thim deuh tawn. Sihmanhselaw na lungthin ah thlengnak a um mi kha i thim awk a si timi thawng a than tuk tikah cun fawizang tein khuasak ding a si ti lo ti cu a dik mi bak a si.

2.       Hlawhtlin ding ttihnak

Ziah hlawhtlinnak cu pei kan duh mi cu a si ko cu, hlawhtlinak ttih timi cu umzia ngei lo a si tiah na ti men lai. Ttihnak timi hi mikip nih kan ngeih dih mi feeling pakhat a si ko. Sihmanhsehlaw hlawhtlinnak ttih timi bel hi ruah awk ngai a si. Cucu zeidah a si? Mitampi hmai ah maw, mitampi lak ah cuan hleice, langhkhun ding a siloah, midang bang um lo ding khi kan van ruah tikah hmai kan nawr ngam tawn lo. Mah cucu misawhsawh nakin hlei deuh nak cu ruat ngam loin misawhsawh hna lak ah misawhsawh bang um ve duhnak lungthin khi a si. 

Misoiselnak tuar in le hawihlei i zuam i hlawhtlin timi khi kan ruat ngam tawn lo. Hihi na lungthin nih a duh taktak mi dirhmun a phak bal lo ruang zong ah a si kho ko. Na tuahttuan mi rian ah lungthin dihlak in tuah na duh mi a um lo ruang zong ah a si kho men. Sihmanhsehlaw mi pakhat nih cun hlawhtlinnak rimrua le thawtnak cu voikhat tal teh ve hrimhrim awk a si. A thawtnak na teh hnu ahcun hlawhtlin duhnak lungthin he na um peng cang lai.

3.       Rian i chiah duhnak

Rian i chiah duhnak ziaza hi kan upat tik lawng ah kan ngeih tawn mi a si. Hi bantuk rian i chiahnak, a caan rauhter duhnak ( a tu ah tuah ding mi tuah duh colh loin i chiahnak) nih hin zialmal tein mi a neih deuhdeuh tawn. Cutikah tuah colh ding a si mi rian kha tuah colh loin, a siloah ttha tein tuah loin caan lioheu sawhsawh men in kan caan a liam tawn. Ca ttha tein zoh (ciah) loin cauk tonghtham sawhsawh, a tling maw tling lo tbk..check sawhsawhnak in caan a dih tawn. Hi bantuk in caan a liamtertu hna nih hin lawmhnak an ngei kho lo, cun mah le mah i lungtlin lonak tibantuk an tuar(feel) tawn. A caan lioheu ter sawhsawhnak ziaza ttha lo nihhin lenglang ah zoh co lo tiang in mi a tuah lawng si loin lungthin lei zong ah mah le mah i rinhchanhnak a tlau ter.

Sources:Bustle & Duwun