Thazang peknak ; Kei cu zei hmanh ka si lo ti hlah

Thazang peknak ; Kei cu zei hmanh ka si lo ti hlah

Kan thinlung ah a um ding mi hna le kan ruah lo ding mi thil hna hi theih a herh ngaingai mi an si. Cu hna nih cun lungsauthinfualnak ngei kho lo in a kan tuah, cun mah le mah thazangder ko in a kan tuahtu thil hna an si.

Minung thinlungruahnak hi zeitin dah a kal ning si titiang in ttha tein a cawng mi zong tampi an um, zeicahtiah a biapi tuk ah an chiah ruang ah a si. Kan hngakchiat lio ah kan khua ah “hringhro” kan ti mi pa a rak um, zei ruang ah dah hringhro kan ti tiah ahcun a awka ruang ah a si. Mi he i vuak/velh hlan ahhin awka in a hro hna i mi a cheu cu a tei lengmang ko hna an ttih bak colh tawn. Chim duh mi cu kan lungthin nih a ruah lo ding mi a ruah tikah mi awka men ah kan i za tawn.

Kan lungthin a um lo dingmi hna tampi lak ah tlawmpal in langhter a si lai. Cucu… “Kei cu zeihmanh ka si lo, sifakfa, dirkamhtu ttha ngei lo mi ka si” ti hi a si. Hi pawl ruahnak a ngei mi a cheu nihcun an mah le mah khi mitang ah kai dor tiin an i ruat. Sihmanhsehlaw an mah le mah an i hlen kha an hngal lo. Hi kan ruahnak hna hi kan ka hrimhrim in chuah lo ding mi an si. Kan chim tamtuk tikah kan mah ah influence nak a um kho. Kan si a fak taktak ko zong ah, mi zei si lo te kan va si taktak ko zong ah mah le mah thazang ai der ter mi cu si duh hna hlah u sih. Kei mi sifak ka si hawinak in kai zuam hau, ka ttuan hau,, midang dor tein ka um hau tiin teimak nak he ttuan khi mah le mah thazang i tthawnter cu a si ko. Zeihmanh ka thiam lo cu teh tiin mi dum zoh tu lawng maw kan si peng lai.

Cucaah kan lungput ah a tthawng mi kan si maw? A lengzoh nak lawng in dah a tthawng mi kan si. Hi hna pahnih ahhin lungput ah a tthawng mi na si ahcun mipuitling na si ko. Mirum va si ko hmanhlaw, cathiam zong va si ko hmanh law lungput ah a tthawng mi na si lo ahcun mipuitling na si kho bal lai lo. Na fimthiamnak kha lungput tthawng mi pa nih a duhnak ah a mer lengmang ko lai. Cu caah nang cu ca lei ah maw, kut thiam lei ah maw mifimthiam na si ko nain lungput khuaruah lei ah na fim lo tinak a si hnga.

Hi cabia te hi thazang pek nak le a hrutnih fimchim an ti bang fimchimhnak bantuk in ka ttial mi te a si. Palhnak a um cun a ruah piak zia tu ka thiam hram u. Kai lawm.