Nau a pawi mi nu nih Smart Phone a tongh tik ah a fa ca ah a
ttha lo ti mi cu a dik lo kho men
Research an tuah thar mi nih nau pawi mi nu nih Smart Phone
a tongh tik ah a fa ca ah a ttha lo ti mi cu a dik lo kho men tiah a ti.
Hlan deuh ah hlathlainak an tuah i an rak hmuhchuah mi cu
Nau a pawi mi nu nih Smart Phone a tonghtham tik ah a paw chung ah a um mi a fa
ca ah holh thiam harnak le thildang dang thiam ai harh deuh tiah an rak ti. Asinain
hlathlainak thar nih cun mah hi cu a dik lo mi a si tiah a challenge ve cang.
Smart Phone chung in a chuak mi Radio dat nih naute caah a
ttha lo ti mi hlathlainak an tuah lio ah khan hnuhma ai peh lo mi result in an
chim phuan mi a si tiah theih a si.
Zei a si hmanh ah hlathlainak thar kan tuah mi ah hin cun phone
hman ruang ah naute ca ah a tthat lo nak an ti mi pawl naute ca ah holh,
chawnhbiaknak lei, le a dang thilthiamnak lei ah hnahnawhnak a pek timi cu kan
hmu lo ee tiah nawlngeitu Eleni Papadopoulou, Norway ram Norwegian Institute of
Public Health in a ra mi nih a chim.
Hmaisa hlathlainak nih khan cun..nau a pawi lio ah phone a
hman tik ah a naute kum thum hrawng a si tik ah khin a tthatlonak a lang an rak
ti tiah a chim rih.
Hmaisa hlatlainak ah khan cun naupawi lio ah phone a hmang
mi nu le a hmang lo mi nu i an fa le kum thum an si tiang ah zei tluk in dah an
i dan timi an hlat tik ah 31% tluk hi holh thiam ai harh mi an si, cun 27 %
tluk hi ralchia deuh, an ruahnak a puitling har deuh ti hi an hmuh mi a si. Hi hna pawl hi phone a hmang mi nu nih
a hrin mi fa le cung ah a tlung mi a si.
Asinain hlathlainak thar ah cun kum thum an si tik ah a zei
dah a ttha deuh ti mi hlatnak an tuah i phone a hmang mi nu fa hi 18% tluk niam
in phone a hmang lo mi nuh a hrinmi nak in thilthiam ai harh deuh tiah an hmuh
tthan. (fiang deuh in cun Cutluk cun a rawk lemlo tinak a si.)
Hi hlathlainak hi naupawi lawng minung 45,389 hna sin in a
si, an fa le kum thum in kum nga an si tiang bak hlathlainak an tuah.
Ref: Mid-day
