Kuat na zuk ah cun a tanglei langhter mi hi rak zoh ve
hrimhrim
Kuat a zu mi nih an chim tawn mi cu, ka thil dang hi cu ka
lak piak ko hna seh asinain ka kuat bul hi cu tong hna hlah sehlaw ka duh tiah
an chim tawn.
Chim duh mi cu kuat zu mi ca ah cun kuat bul lebang hi cu a
sunglawi tuk mi a si. Cu nih a hei fian ter mi pakhat rih cu..kuat hlonh ding
hi cu a fawi bak lo ti hi a si.
Thiamsang hna nih kuat zu mi nih kuat an hlonh khawh nakhnga
lam phun phun kawl in bawmh khawhnak lam an kawl ve. Tu tan ah research thar an
tuah mi ah an hmuh thar mi pakhat te van in hrawm hna ka duh. Nang mah kuat zu
mi na si lo zong ah midang a zu mi nih thei ve hna seh tiin rak Share ve mu..
University of British Columbia (UBC) nih hlathlainak thar an
tuah mi ah an hmuh mi cu The/tlik lei kam hi a si. Kuatzu mi pa nu nih zingka
ah a tlik a si lo ah zaan lei ah a tek mi pawl sin ah a teh ve a si ah cun mah
cu cu kuat hlonh khawhnak lam ttha bik a si timi hi anhmuh thar mi cu a si.
Zarh 10 chung ah hman tein a tek peng mi hna nih cun kuat an
hlonh khawh. Hlathlainak an tuah mi ah 50.8 % tluk minung hman tein zarh 10 a
tek peng mi nih cun kuat an hlonh khawh i, asinain a dang tu nih cun an kuat
zuk ning an tthumh khawh deuh ti hi an hmuh mi cu a si.
“Taksa cawlcangh nak nih hin kuatzuk duh nak a hlonh khawh
cem ko, asinain mah te cun a fawi mi thil a si lo tikah group in a tli mi sin
ah vai tel ve ah a ttha khun” tiah hlathlainak tuahtu i nawlngeitu Carly Priebe
nih a chim.
Ref:mid-day
