Smart Phone a zoh tam tuk mi cu lungthin lei dam lo nak an
ngei kho deuh
Smart Phone hna hi thil a fawi khawh deuh nakhnga, le minung
ca ah thil a rem deuh nakhnga caah an ser mi a si. Asinain mitampi nih a
hleicein mino hna nih an hman ning ah hin cun an mah ca ah a ttha lein nakin an caah a tthatlo nak a tam
deuh tiah thiamsang hna nih an chim.
Report pakhat ah an chim
ning ah cun hngakchia le mino hna nih online in game celh an hman tuk
cang ca ah thihnak rap a si mi nih
mitampi a awh cang hna ee. India ram hna ahcun Blue Whale game celhnak in
hngakchia le mino tampi an thi cang tiah theih a si.
“Smart Phone nih a suai cang mi hna tampi cu an lungthin lei ah buainak an tong, internet in blue whale game celh nak, horduh
nak hmanthlak zohnak tibantuk lei ah a hruai hna” tiah India ram Mumbai
Hospital pakhat in thiamsang hna nih an chim.
Hngakchia le mino hna nih study tuahnak ah an hman a sinain
thildangdang le an mah nun tiang a hrawk kho tu thil zohnak tu ah an hman deuh
cang, cucaah hngakchia le mino hna nih hin Smart Phone an hman ning a zor deuh
nakhnga nu le pa nih a caan khiah piak ah a ttha tiah an chim rih.
Cu lawng hlah..an ngandamnak tiang ah Smart Phone hi
mawhphur tu a si cang.. an ih hmu a cim lo, an lufak, an mit ai hrawk, an
thinlung taksa a thadi, cun sianginn ca cawn mi zong an lung ah um ti lo, ca
cawnnak ah an lungthin dihlak an pe kho ti lo. An game ah an buai, an zoh mi an
lungthin ah a cam tiah an chim rih. An lungthin ruahnak thil dang kong ah a hmun kho ti lo..an smart phone ah anlung a um dih cang.
Hi thil kong ah zeitindah nu le pa nih kan fale ka bawmh khawh
hna lai. An mah he hmun khat ah caan hman tam, chawnhbiak peng, smart phone
kong ah thilsining fiang theih ter nak in ( cu ti hman ah cun cubantuk
tthatlonak a chuak kho ti mi pawl fiang ding in chimh cawnpiak), hi bantuk lam
dang zong tampi a um ko …hi hna ning in kan fale bawmh ding rian nganpi nu le
pa nih kan ngei tiah Delhi hospital pakhat i nawlngeitu hna nih an chim.
Ref: India TV
