Thiang Thlarau Pathian sinak
Thumkawmh Pathian Pakhat An si ko nain, Thiang Thlarau cu Pa
asilo, Fapa zong asi fawn lo. Thiang Thlarau cu Pathian a si. Pa le Fapa he an
i lo lo.A hleicein an rianțuan nak ah. An i khah lonak tlawmpal in kan zoh
lai..
Fapa cu Pa le Thiang Thlarau nih thlah mi A si (Isaiah 48:12-16).
Van in Pa nih A chim bangin Thiang Thlarau cu țhuro bantukin Fapa cungah a hong
țum (John 1:33; Luke 3:21-22). Tipilh peknak ah Thumkawmh Pathian min chim asi
tikah Thiang Thlarau cu min neitu Pakhat A si ve (Matt. 28:19). Hnemtu/Bawmtu
Thiang Thlarau cu van in lei ah thlah dingin Fapa nih Pa sinah thlacamnakin A
hal. (John14:16,26; 15:26; 16:7-13). Thiang Thlarau thawngin Khrih Jesuh in Pa
sin ah zumtu dihlak kan phan kho (Ephe. 2:18). Pa sinin Khrih thawngin Thiang
Thlarau cu thlah a si bantukin rianțuan van peh tu zong asi( John 14:26;
15:26).
Pathian lawngnih tuahkhawhmi A tuah
1. Vawlei sernak ah Ai tel (He was involved in the creation)
Thiang Thlarau Pathian asi ruangah, Vawlei ser ah a rak i tel ve.
Pathian lawngnih vawlei a ser. Thiang Thlarau cu Pathian a si bantukin sertu A
si (Gen.1:2).
2. Ngaknu thiang hrin a canter (He was the cause of the virgin
birth)
Pathian lawngnih tuah khawhmi ngaknu thiang Mary cu Thiang Thlarau
nih nau a pawiter (Luka 1:35). A hohmanhnih tuah khawh lomi, pathian dang
vialte zongnihntuah khawh lo mi asi. A nung Pathian lawngnih tuah khawh mi asi,
cucaah Thiang Thlarau cu Pathian A si.
3. Thawchuahhnawhmi cathianghlim pe tu (Giver of the inspired
scriptures)
Thiang Thlarau nih Bible țialtu pawl sinah an țial dingmi chim
hlahsehlaw kan Bible cu rinhchanh tlaklo, zumhawktlaklo a si hnga. Asinain,
Thiang Thlarau nih pekmi asi bantukin Bible cu thawchuahhnawhmi Cathianghlim a
si. Minung nih thawchuahhnawh khawh asilo. Pathian lawngnih tuah khawh mi asi
caah, Thiang Thlarau cu Pathian a si bantukin Xathiang chung i țial dingmi
dihlak cațialtu sinah sual,palhnak um loin chimtu A si (2Pet. 1:21).
Thlarau Thianghlim Pathian sinak van zoh tthan u sih
Genesis 1:1 "A hramthawk ah, Pathian nih van le vawlei a ser
hna tikah." Hi ka i Pathian timi cafang hi Hebrew ah "Elohim" ti
asi, Mirang in "God", cucu 'Thumkawmh Pathian Pa, Fa, Thiangthlarau
hrang i hman mi asi. A hramthawk ah Pa, Fa, le Thlarau Thianghlim nih van le
vawlei an ser ti mi he ai khat mi asi. Cucaah Thlarau Thianghlim cu van le
vawlei ser tu A si. Pa le Fap he rak um ți mi A si. Biakam Thar lawngah lang le
um siloin Biakam Hlun hlanpiin rak um Pa le Fa he rak nung A si.
Jesuh Khrih nawlpek mi (Matt.28:19) kan zoh tikah tipil peknak ah
Pa, Fapa le Thiang Thlarau cu an i khat ti kan hmuh khawh. Hi nih a fianter mi
cu Thiang Thlarau cu Thumkawmh Pathian ah ai tel ve, An lak ah Pakhat A si ve
ti hi asi. An dih lak in Thumkawmh Pathian ah an i tel dih (2Cor. 13:14; 1John
5:7-8). Khrih cawnpiaknak ah Thiang Thlarau cu Amah he ai bang, khat mi asi zia
a lang (John 14:16; 15:26; 16:7-13; Acts 2:33). Jesuh tipilhinnak ah kan hmuh
(Matt 3:16-17). 1Cor. 12:4-6 ah kan hmuh khawh. Cun zultu pawl thluachuah
peknak ah kan hmu (2Cor.13:14). Thiang Thlarau cu Elohim Pathian A si.
Sources: CALEB
LALTINHREM (Christian Zirhnak Hrampi pawl)
