Zarh 4 chung te ah na
Body dawh tak in a thleng khotu exercises phun 4 rak tuah ve
Tutan ah van in
hrawmh tthan hna ka duh mi cu Zarh 4 chung te ah na body muisam dawhtak in a
thleng kho tu exercises phun 4 kong a si. Body dawh a duh mi nih cun rel
hrimhrim ding cun a tuah zong in tuah
hrimhrim ding mi a si.
Exercise tuah nih hin
ngandamnak phunphun a kan pek khawh ti mi cu a ho poh nih kan theih dih mi a
si, sihmanhsehlaw a tak in tuah tu hi ka daithlang tawn. Cu kan huam caan te ah
kan tuah i, kan huam ti lo cun kan i ma tawn. Hi bantuk sawhsawh cu thadit
lawng a si ko, caan a pamhmai sawhsawh ko.
Exercise tuah na duh
ko nain na tuah khawh bak lo ah cun a tuah cia mi hna sin ah zeitluk in dah a
tthat, tbk..thilsining va hal hmasa hna. cu hnu ah cun tuahve na huam ttheu
lai. Body muisam dawh deuh in tuah duh tik ah ei din lei zong in ttan rak lak
piak pah ve a hau. Cun thadi tuk in exercise tuah lo ding a si lai.
Tutan ah van in
hrawmh ka duh mi exercises phun 4 hna cu..
1. Plank – Kiu nam
buin tuah mi phun khat a si. Hi hi a herh tuk mi exercise phun khat a si. Hi na
tuah tik ah na pum dihlak thachuah a hau. Hi na tuah nak in Na Keng fak le a
dam ter lai, Na keng kuar zong a tthat ter lai, na liang ca zong ah a ttha, cun
pawpuar mi ca hrim ah a ttha mi a si.
Na paw ttial a dawh ter lai, Pawpuar pawl
nih pawpuar lo nak din exercise an tuah tik ah pel lo tein an tuah tawn mi a
si.
A tuah ning cang
cu..Hmanthlak bang hin a si lai. Na kiu nai nam lai, bend tuah phun in na tai
hrawng kha kuar ter lo ding, ding tein chiah piak ding..a si lai. Hmanthlak
bang hin kiu i nam buin taitha renh i ding tein um sawh a si ko. A thok ka ah
cun Second 30 chung hrawng tuahpiak..cun na kai ter deuhdeuh te lai.
2. Push-up- Hi hi cuBen tuah kan ti mi khi a si ko. Ben na
tuah tik ah na kut, na ttang, na liang, na keng, na ke ca tiang ah a tthahnem i,
na tha a thawn ter kho tu exercise ttha tak mi a si.
Ben tuah ning cu chim tam
hau ah ka ruat lo. Na tuah khawh zah tuah piak ding a si lai.
3. A pathumnak cu "Squat", “Alai
fang ah tthut” – Hi zong hi a herh bak mi le a ttah bak mi exercise tuah fawi tung mi a si. Hi nih hin
na ke, na keng, na ttawk caah a ttha tuk mi a si. Nu pawl ca ah ko ah a ttha mi
a si. Na ttawk a dawh ter lai.
A tuah ning cu hmanthlak bang hin a si lai. Na
kut kha na hmailei ah sihlaw, na ke khaw pe khat tluk kau in kar law, tthutden hmuhkhawh
mi cung tthu bang in na tthu lai. Na tthut tik ah ding tuk in tthut lo ding,
hmanthlak a langh ning te hin tthut ding a si lai.
4. A pali nak cu “Bird
Dog” timi si. Uico bang khup bil i, kut le ke zo a si. Mah hi hi na
kengruangruh caah a ttha, cun Na pum ttitsa a dawh ter kho tu ding pakhat a si
ve.
A tuah ning cu..Uico bang na kup nai bil le na kut in nai nam hnu ah Na keh
lei kut na zo ah cun na vorh lei ke na zo piak ve lai. Hmanthlak bang hin…
Hi hna pali hi
nifatin suimilam cheu chung hrawng tal na tuah piak khawh ah cun a thli tein na
body ai dawh thluahmah ko lai. Asinain tlawmpal tuah i nai mak ahcun..zeihmanh
a si lai lo. Asinain ttha tein zarhli chung tuah hmanh na body ai dawh hrimhrim
lai.
Na hawile sin ah
Share tuah philh sual lai ci.
Ref:Providr
