Zeitluk in dah Smart Phone nih mino a hrawh khawh hna
Chantiluan nih a kal pi mi cung ah a tlongleng mi mino hna
kong ah mitampi an lung a rawk ko cang. Vawlei technology nih le a sang deuh
deuh. Tu lio mino kutlaih cu Smart Phone a si ti ning law ka palh tuk lai lo
dah. Hi kong he pethlaiin Thiamsang hna nih an chim mi rak rel ve. Cun mino
tampi nih an rel khawh ve nakhnga Share rak tuah ve.
Chan hi ai let lengmang i, tu kan chan hi technology lei ah
a san bik lio caan cu a si ve ko lai dah. Mino hna nih an duh bik mi le an hman
bik mi an kutlaih cu Smart Phone a si. Smart Phone hi thil cangkang taktak
pakhat cu a si ko, sihmanhsehlaw hi nih zeitluk in dah mi a hrawk khawk timi hi
kan i thei kho lo ti a si. Kan hman i a kan hrawh khi a rak si deuh. Ka hman ko
cu teh, hman lo awk nih ttha hlah kaw kan ti, si a hman mi a si ko. Asinain kan
hman khaw a rak ka hrawh khi a rak si. Hi nih hin mino hna thinlung ruahnak ah
a tthalo zawng in rian a ttuan e tiah Jean Twenge timi nu nih a chim.
Mino a homanh Smartphone or computer zoh nak in a caan a
hmang tuk mi cung ah a tlung mi cu “ai lawm kho lo, a hirha zang kho lo, a
umhar or a lungleng, lungrawk in a um tibantuk hna hi a tlangpi in an cung ah a
tlung.
Tu lio mino tampi cu Smart Phone he a caan pumpi an hmang
hna, sihmanhsehlaw a lehnak (result) a chuak mi ah cun mitampi cu an lungrawk,
um awk an thei lo, mah le mah ai that mi zong an um hna, thinlung lei hrim ah
harsatnak tampi an tuar hna tiah theih a si.
Cucaah nu le pa nih kan fale phone an hmang ning kong tampi
kan ruah a herh hringhran. Zeicahtiah Smart Phone a zoh peng mi kan fale cu
theih tuk lemlo in an rak tuar taktak khi a si, an ngandam nak tiang zong
hnahnawh nak a pek khawh. Nikhat ah sumilam 1 chung a zohtawn mi kha, minutes
30 deuh in zoh cang seh ti duhnak he a si khawh chung in le a lam phunphun kawl
in kan zuam pi hna an hau cang.
Sources: Jean Twenge video
