Nuva si hnu ah Social Media ah na post lo ding mi phun 8

Nuva si hnu ah Social Media ah na post lo ding mi phun 8

Nuva hna nih social media cung post bak lo dingmi phun 8 nai manh cun rak rel ve.

Laimi nih facebook hi kan hmanbik mi a si ko ca ah social media ai ah facebook tiah ka hman lai.

Facebook cung ah nupi nih hmanthlak post a cim kho lo, Hashtag:#blessed tibantuk a dangdang zong a post ko hna, caan ttha ngeih chiar in i chawr nak bia he post chih hmangmi kan si cio hna.

Cu nih cun nuva karlak ah pehtlaihnak a tthat zia langhtertu ah kan rel tawn. Asinain a caan ah cun nuva karlak ah a ngandammi pehtlaihnak theih khawh nak cu facebook ah hin hmuh ding a um tawn lo.

Mipi tampi hmuh ah na nupi/pasal ai tel nak hmanthlak na post sual lo nakhnga i ralrinthiam ngaingai a herh cang. Zeicahtiah chungkhar tampi an buai cang. Facebook cung ah ai daw ngan a lo ko nain a hmanthlak post mi an pa nih maw, an nu nih maw a duh lo ruang ah ai si mi an tlawm ti lo. A tang ah langhter mi hna hi a mak lo tuk tete khi an si ko hna..nain lungchung ah hmunkhuar a hmang mi tete phun 8 a si fawn hna.

1. Na partner lunghno tertu tiah na ruah mi

Lunghno tertu ti tikah a ttha lei kam a lo ngai, a sinain kan pa in thenh a fel ning hi ka duh kho tuk tiin, asiloah a dang nan tthatnak tampi  kha post a hmangmi na si men lai. faknak bia a si ko, asinain nan pa nih facebook mipi sin ah na dawtnak na langhter mi kha a ningzah nak zong a si kho, a duh lo kho men. A duh maw duh lo ah, facebook mipi nih nan pa  an zoh ning ding kha ruah awk ngai a si. Cu nak hmanh in a rak hmutu mipi tampi ca ah lungnuamh lo tertu (A chim duh mi cu nan tthatnak thil tampi kha post duh hlah, a rak hmutu midang ca ah lungfahtertu men a si ti khi a si ko) a si tiah Marcia Naomi Berger nih a chim.

2. Na partner hmanthlak

 Fakthiam ngai in na partner hmanthlak kha facebook ah post colh hlah. Na post hlan ah hal hmasa ta, mah hi ka post lai hih..a rem maw, na lungtling maw? tiin hal hmasa ta, cu hnu ah  alungtlin cun na post te lai. By Psycho lei thiamsang Seth Meyers.

3. Na partner nih a chuahnak zawn

Na partner um tuning maw, a thilthiam mi kong ah maw na nihchuah nak a um kho men. Nihchuak duhnung tuk ah ruat in mah cu kong cu na post ko hnga. Cun na partner zong nih a poilo an ti ko men lai. Asinain cu bantuk hmanthlak maw, cabia maw na post tik ah nangnih na chim duh nak kha mipi a rak hmutu nih an theithiam kho ti lo. A hnu lei ah zeithil dah a um timi an ruah damh cang. Cun na partner nih a lung tein midang theihter a duh lo mi zong a rak si kho ko tiah Nuva kong ah thiamsang Aaron Adnerson a chim.

4. Na nupi ziaza tthatlo nak he ai lo mi

 Hi hi a biapi tak mi a si. Zeicahtiah mitampi cu facebook cung ah  an DL he an lungtlinlonak post mi hmang mi an si. Mipakhat cung ah an lungtlin lo nak kong he ai rem mi mifim bia hna an lak riangmang le an post tibantuk a tam ngai.

I ralring:  na thinlungput a sang tuk lio (thin hun lio or feeling sang deuh ngeih lio) caan ah khan facebook cung ah zeidah na va thanh ti kha nai ralrin bak a hau. Tha tein ruah hnu ah post ah a ttha tiah thiamsang Brenda Della Casa nih a  chim.

5. Faknak bia he hmanthlak post

 Nangmah na hmuhnak ah cun nan nu cu ai dawh ngai mi a si ko lai. Asinain nan nu ai dawhnak na hei faknak hmanthlak post cu a sual mi zong a si lemlo tiah na ruah ko lai. Asinain nan nu a ning a rak zak kho men ko. Beach kam ah ai thlak mi maw, a silo ah hot deuh in ai thlak nak na duh tuk mi kha nan nu nih cun facebook cung mipi hmuh awk ah a duh lo kho men.

6. Na nungaknu Dl tthing kong

Na nungaknu le a DL hlun kha facebook ah friend an si peng kho men. Asinain kha pa hmanthlak ah na lungtlin lonak va comment len nak nih cun melmang an thuh deuh lai tiah hi bantuk lei thiamsang Neely Steinberg nih a chim.

Na DL nu kha nangmah na DL hlun karlak ah a rak lut ve mi hna a si ah cun, na partner hlun sin ah comment hna a lut ve sual kho ko. Cun facebook cung ah na thinhunnak, na lungtlin lonak va langhter duh hlah. Na Friend minung 1000 leng nih an theih ve a herhnak a um lo.

7. Nan nuva nan buainak cipciar

 Zumh awktlak taktak na hawi sin khan nan buainak cipciar kha phuan lo khawh i zuam hram ko tiah Christine Wilke nih a chim.

Nuva timi cu buai caan zong a um kho tak ko asinain facebook cung ah post in vawleipi theih ter a herhnak a um lo. Nan pa a hnar tuk nak kong kha mi va theihter a hau lo. Inkhan chung ah a cang mi thilkong hrim cu thuh khawh ah attha.

8. Ca tthalo Comment hmang hlah

Pa Tung pi nih nungakno te hmanthlak tang ah post ttial hmang hlah. Sex kong hawh deuh hrim in comment hmang hlah. Holh dawh lo zong in post hmang hlah. Na fale an ning zak kho. Nangmah an ngaisangtu pawl an khuaruah na har ter hna lai.

Ref:Huffpost