Phone in Game ai celh tuk ruang ah a mit caw
China ram ah nungakno te pakhat nih nikhat ah sau nawn chung ah a phone in game ai celh peng ruang ah a mit a caw tiah theih a si.
Kum 21 mi nungakno te pakhat nih China ram ah a lar ngai mi game Honor of Kings timi game cu a mit ai rawk hlan lo ma kho lo in ai celh peng ee tiah theih a si.
Cu hnu ah a mit ruang ah Si-iin ah kal in ai piah len ko nain a tlai deuh cang ko rua. Wu Xiaojing nihhin a vorh lei mit zong RAO in a rak i zoh ter bal cang. Asinain a tu hi a mit a caw thei kho men cang mi dirhmun ah a dir.
A nu le pa zong nih ralrinnak an pek peng ko "na mit hna ai hrawk sual lai ee" tiin. Hi bantuk in nai celh peng ah cun na mit caw taktak lai hi aw ti zong ah ralrinnak an pek.
"Rian ka ttuan lo ni ah cun, zing suimilam 6 ah ka tho, thaithawh ka ei, cun khawh bak cun zaanlei suimilam 4 tiang game cu kai kah" tiah a mit a cawmi nu te nih cun a chim. "zei maw ka ei, caan tawi ka van i hngilh, ka tho tthan cun game cu ka kah i zinglei suimilam 1 le 2 tiang cu ti cun ka caan ka hmang" tiah The Global Times sin ah a chim.
October 1 Chinese buaini ah khan nitlak bak in game cu ai kah nawlh i a taktak in zaan lei ah cun a mit ai hrawk dih taktak ko.
Minung 200 nuai nih Honor of Kings timi game cu an smart phone ah an i chiah tiah theih a si. kum 12 tang hngakchia ca ah nikhat ah suimilam 1 chung lawng celh khawh ding tuah a si.
China mi lawng an si lo, Laimi lak zong ah hi bantuk minung an tam pi, hi hnu ah mit tthalo hna an um sual nakhnga lo midang zawn ruahnak he rak Share ve..
Ref:Metro
