Jesuh Vs Guatamah King clan..
Khrih cu Prophets hna nih B.C 700 hrawng ah Siangpahrang David ciruang in a chuak lai an ti bantuk in B.C 4 hrawngah Siangpahrang ciruang a simi Joseph le Marry sin in Bethlehem khua ah a chuaktaktak.
Siddhartha Gautama (Buddist) cu Siangpahrang phun in B.C 563 hrawngah India ram nichuah chaklei Lumbini (tuchan ahcun Nepal) khua ah a chuakmi asi. A tthanlenhnak cu Kapilavastu ah a si. A min taktak cu Siddhartha a si i an chunkhar min hi Gautama a si.
A pa Shuddodanna hi anmah district Himalays India le Nepal karlak ah siangpahriang a ttuanmi a si. Cun hlanlio anmah bawiphun (Rajah Kshatriya cast) chungah mirum ngai le mingei ngaimi a si.
A nu Queen Maya nih Siddhartha a pawi lai zan ah mang a manh i van cung in vuirang ho pa 6 a ngeimi a paw chungah a luh a hmuh. Cu hnu thla 10 ah Siddhartha hi a hrin. Hngakchia te cu a pa nih puai lianpi a tuahpiak i cu puai ahcun Tlangbawiphun (Bramin) kuttial zoh thiam le Phungki Asita nih (Prophecy) a hmailei kong an chim. Hi hngakchia hi inn ah a um ahcun Siangpahrang lianngan a si lai. A si nain inn in leng ah a chuah ahcun khamhtu a si lai tiah an ti.
A pa nih tuante ah an chungkhat nu Yashodara a thit piak i fapa Rahula a ngeih. Cu hnu ah a nupi le a fapa kal takin (Suffering) fahnak, zawtnak, thihnak hi khoizei in dah a rah, zeiruang ah dah a si tii hngalh duh ah ramlak ah a chuak...
Chinchiah// Van Tha Lian (facebook ta copy mi a si)
