Ruah a suur caan ah zei raung ah dah ruh khua a faah lengmang? A kih caan zong ah zei ruang ko ah dah kan ruh khua a kan tam lengmang? Nang mah pumpak a faah lo hmanh ah na kiangkap, na chungkhar, na hawikom hna nih a kih caan ah an ruh khua a faahnak kong an chim ah zei a si bal lai lo tiah na ruat sual maw?
Hi zawtnak hi a um taktak mi a si maw?
A hlan ah cun hi zawtnak konglam he pehtlai in zei hmanh aa pehtlai lo tiah zapi nih kan ruah cio. Minung kan lungthin nih a ruahchih tuk ca ah a si ti in kan rak pom. Asinain si lei thiam sang hna nih hi kong ah hlathlainak an tuah i zawtnak taktak a um kha an hmuh.Ruah sur hlan in ruh khuafaah hi aa thawk kho. A cheu khat tar pawl cu an ruhkhua a faah cangka in ruah a suur lai ti tiang in an theih khawh tawn.
A ruang taktak cu thli pressure aa thlen ca ah a si.
A si kho bik tiah mifim thiam hna nih hmuh mi theory cu thli pressure aa thlennak kong hi a si. Minung kan ruh hi taksa tak vun tissue nih a zualtuam mi a si i cu taksa takvun cu a lenglei in thli pressure nih ruh zualtuamnak kha a bawmh ve. A kih caan tibantuk ah cun a lenglei thli pressure kha a zor i taksa takvun hi an puar deuh. Cu taksa le takvun a puar ca ah ruh kha a det i ruhkhua faah tibantuk a chuah hi a si. Hi bantuk thli pressure aa thlen le ruahkhua faah hi cu a ngaingai ahcun thil hme te a si ko. A ngandam mi ca ah cun chimtlak lo khi a si. Asinain ruhkhua fah a hmang mi ca ah cun a hme a si ko nain a faah an hngalh khawhnak kha a rak thawng tuk ve i zei dang zawtnak nakin an ca ah tuar a har deuh tawn.
Asiah zeitin dah kan i zohkhenh lai?
Zawtnak a um kan theih cang ahcun damnak lam cu a um hrimhrim ko. Nikhua a chiat le a kih caan ah ruhkhua fah a hmang mi hna nih hi a tanglei bantuk hi rak hmang chun ve hmanh.
Lumsa tein um peng
Zaan ih tik ah puan chahpi in i vawrh. Thilpuan a lum mi i hruk. Asi khawh ahcun inn ah lum tein um peng. A faah tawnnak ah tilum rawn mi dur pakhat khat in lumter.
Ruhkhua pawl a than lonak ding le a puar lo nakding ah rehpiak
Tilum dur in na lum ter pin ah na ruhkhua an tam lo nakding le a puar lo nakding ah kuthruk, hmawza le khupreh tibantuk pawl hmanpiak. Cu nih cun tampi an bawmh lai.
Hliphlau te le cawlcangh bu in um peng
Na cawlcangh deuh lo ahcun na ruhkhua kha a haak chinchin lai i a faah a zual lai. Na tuar tik zong ah a faak khun mi a lo lai. Cucaah cawlcangh piak peng.
Lungnuam tein um peng
Hi ruhkhua fah a hmang mi ca ah khuasik caan a phanh cun a faak than cang lai ti mi ruahnak he lungzor in an um. An lung a zor cun an tuar ning a faak khun mi a lo. Cucaah lungzor ter lo in tuah ding ka ngei ti law cawlcang peng. Cun hi ruhkhua fah cu chikhat caan khat te lawng a si ti kha philh hlah. (Ref: Dr. Thurein Hlaing Win)
0 comments:
Post a Comment