Nu Pawl Ca Ah Eidin Ding Ttha Bik Hna

Nu Pawl Ca Ah Eidin Ding Ttha Bik Hna

Nu pawl hi inn lei ah an rethei ngai ve. Minung caahhin ei din hi a rak biapi,,,, a hleice in eidin ning cang thiam, zei ka ei ah dah ka caah a tthat lai. Zei bantuk dah a tthalo timi hi kan theih hrim awk a si. Mifim thiam hna nih nu le pa hi kan taksa umtuning tete hi ai khat lo nak a um an ti. Kan ei bar ding zong hi ai khah lo nak zawn tete an um. Cucu kan mah le sining, ngandamnak he pehtlai in a si.

Khah nu hna caah ei ding ttha bik hna cu….

Sangphaw(papaya). Mitampi cu Vitamin C an tlakcham ruang ah, thinhnit ah lung a um tbk, thin phing tbk zawtnak an ngei tawn. Cu bantuk zawtnak hna cu pa nakin nu nih hin a let hnih in an ngei tam deuh. Sangphaw tikal 17 chung ah Vitamin C dat 200mg a um ti a si. Sangphaw ahcun Serthlum nakin Vitamin C a lethnih in a tam deuh ti a si. Cu caah nu pawl nih Thin lei zawtnak kan ngeih lo nakhnga Sangphaw hi tampiin ei ding a si. Englang ram siangpahrang Elizabeth nih a chim mi cu, theitlai lak ahhin Sangphaw a thaw cem, Vitamin zong a tam cem tiah a rak ti.Nifatin in a rak ei tiah an ti.



Shan pawl pe uammi (Tuh-Hu) ,,, hi Shan ram ah an tuah mi a si, pephut le thil dangdang an cawh hnu ah an uammi a si, Calcium dat tampi a um. Cholesterol dat timi thisen chung ah um mi kha a tlawm ter ruang ah nu thisen chung i a um mi zawtnak hna kha a kham hna. Tuh-hu chung ah cun Isoflavone timi dat a tam caah nu pawl hormone a si mi estrogen tampi a chuah ter ruang ah ruhcang a tthawn ter i ngandamnak a si.

Kawpihlum/Lubuk (cabbage) hi ruhcang fah tbk ah a ttha taktakmi a si. Thau zong a reh ter fawn. Vitamin D le Calcium dat a tam ruang ah zawtnak dangdang zong a kham lawng si loin ruh cangfah tbk pawl a kham, cun ruh a feh ter i ruh kiah tbk tuk a har deuh. Calcium, Vitamin D tam a ngeitu thil dang tampi an um ko hna anttam, Danh-da-lun, mai hnah, anthur hnah, Salah, Khanghmui, Khachuan, Thakbare/hmakphek, le Nalnuak tbk hna an si. Hi hna pawl hi taksa ngandamnak caah a ttha dih mi an si.

Muheh sa (Mutton). Nu pawl thlachiar te sakhi an kah tik ah.. an tha tlawm in an cau tawn. An thi chuah a tam deuh tawn ruang ah a si. Thi chuah a tamtik ah thir dat a tlawm tawn. Cu caah thirdat tampi a ngei mi tirawl pawl ei ding a si. Sa aphunphun, sa chungril tbk ahhhin Thir dat tampi an um caah ei ding an si. Muheh sa ahhin thir dat a tam hlei ah, taksa in thir dat dawp kho ding in a bawmh. Muheh hnuk cu a dang hnuk nakin a ttha deuh tiah an ti, thisen a tam ter ti a si. Thir dat a tam tuk ruang ah a si, thir dat um loin thisen a tam kho lo. Cun pakhat a um mi cu, Muheh sa kan nei tik ah a tit te ei sehlaw a ttha, a thau cu thikai neih khawhnak a tam ter.

Thingthei mu phunphun. Thingthei mu a ngei mi, a phunphun khi ei ah a ttha (mah le ngandamnak he zoh in). Behrumthu tbk., thildang mu a ngei mi theitlai an tampi rih, Bete tbk…. Pe phun poh khi tampiin ei ding a si. Hi hna pawl tampi ei tik ah Estrogen hormone dat he ai khat mi Lignant dat a rak i tel tikah ngandamnak caah a ttha, cun nu hna caah hnuk cancer si khawhnak a kham i, a um cia hmanh khi thanglo ding in a tuah khawh caah ei khawh chung in ei ding mi an si. Niciasih hna khi a ttha ve ko ( kan i fian khawhdeuh nakhnga caah).

Acung i langhter mi hna hi zingfatin na Bazar tikah na ngandamnak ding ruat in caw cang hna mu…