KAN ZUM TAKTAK MAW?
Teirial Catialtu / 9 days ago
Ka lung ah chuak tuk nain khawika indah ka thawk lai ti ka hngal lo. Ka thinlung a rit, i zei ko dah mah tihin ka lung chung ah a taap i kan nunnak ah dawntu bantuk in a ka ttemttawn ti ni tlawmpal ka ruat cang. Kan nunnak a dih ciami asiloah a hlun cangmi thil hi kan kaltak khawh lo caan a tampi. Cucu Satan nih a uarbikmi hriamnam pakhat a si. Mah hi hriamnam pakhat tein mi tampi cun a kan tlaih khawh taktak fawn. Ka biang khatlei veve ka kut hnih in kaa domh. Khatlei ka biang cu Khrih dawtnak a thei i piangtharka cheukhat le khrihfabu caah a si. Khatlei cu a luancia mi thil le sining nih a ttemttawn rihmi hna caah a si.
Biahalnak pakhat: ZEIRUANGAHDAH PATHIAN BIA KAN ZUMH LO?
Zumhnak ah thazaang dermi ka si ti kaa hngalh ko, i hriim i thazaang laak tthan ka herh. Culio ah kaa umpi khawh lomi kong hi khrihfabu, zumtu le careltu sinah chim a hau ko tiah ka ruah. A sauh balte a sau pah kho men!
Laimi umnak ram le khuakip ah thlarau tthanghphawhnak a um tikah piangthar tampi kan chuak. Pianthar timi cu Jesus he iton i nun hlun kha kaltak in nun thar ah Khrih sining ihrawm kha a sibik ko. Cu thil cu a ttha tukmi a si. Sihmanhsehlaw, Khrih kan tonning aa dang cio. Cheukhat cu nu le pa Khrihfa si ruangah a hmette in church-school kai in Jesus cu a ka khamhtu le ka Pathian a si ti a cohlang i Khrihfa ka si ko, aa timi an um bantuk in kharusaih, khemping le cawnpiaknak in a piangtharmi an um ve fawn ko. Lamkaltu hna kha Jesus sinah kum 3 an um i Paul cu ceunak in kah a si ko. Pathian rianttuannak hi kan hngal kho lo, Bible zong ah aa ttial.
Khrihfa ka si, Pathian ka zumh ko a tilomi nih Khrihfabu ah um in biakinn kal lengmang phung a si lo. Khrihfa ka si aa titu hna nih khrihfabu i an um tikah Pathian khamhnak thawngttha an rak i fian lo hmanh ah ruahchannak he biakinn cu an panh i khrihfabu ah an um cu a si. Mah cu khrihfabu cu Khrih chung ah pumkhat le a ttengnge kan si hna i Pathian nih a kan pekmi laksawng aa dang dih, Rome 12:4. Thlarau laksawng phun tampi a ummi cu Pathian nih a sunparnak caah hman ding ah a kan pek cio ko 1.Korin siseh Lamkaltu zong ah hmuh khawh a si. Thlarau laksawng cu ningcang lo le siikaan ngei lo le mah diriamnak men in a um lo.
Cucaah, khrihfabu chungtel na si ahcun, silole zumtu pakhat na si ahcun Pathian le biakinn a fuhtu paoh cu na za samh law panhte in dong ko hna. A hlei in ka piangthar, Khrih ka ton i a khamhnak ka cohlan a titu paoh nih cun nun hlun kaltak in Khrih nih a kan cawnpiak i amah hrim nih a zulhmi lam kha kan cawn awk a si ko. Nangmah bantuk in na dawtmi khrihfabu kha Lam hna seh, an kutbeng hna seh, thlacam chinchin hna sehlaw tui taktak hna seh ti na lung duhnak a fak tuk ko lai. Sihmansehlaw, Pathian thil ti cu minung ruahnak nih a phan lo timi kha Kan Zumh Hrimhrim a herh. Micheukhat cu thlacam nun an ngei i mi um lonak, an inn hna ah an cam ko lai. Cheukhat cu, mihar an bawm ko lai, i cheukhat cu khrihfabu cawlcanghnak ah thazang an chuah kho lai i cheukhat nih pumh an hruai lai i an tuiter ko lai. Cu vialte cu minung pakhat lawng nih a tuah khawhmi a si lo.
Kanmah nun ah fakpi in a langmi sinak kha kan unau, chungkhat, khrihfabu cungah phan ve seh ti duh lung in mi thlen na timh hna a si ahcun na aipuang lai, na thintawi lai. Cucu nangmah rian a si lo, nangmah nih mi remh i timh hlah law na ruahnak le duhnak chungah luhpi tim hna hlah. Kan zate in kan chung taktak ah Khrih nih hmun lak a duh i a um cang, i Khrih nih kan zate in aa khat le tlukte in a kan hmuh cang. Mah cu philh hlah. Pathian vel lawnglawng in mi luat kan si. Jesus nih khamhnak cu a ser i mi nun thlennak cu amah nih a ttuan cuahmah ko. Khrih thisen tthawnnak hi kan zum taktak maw? Amah nih a ttuan ding rian ttuan piak kan i timh tikah kan nunnak ah, zumhnak le khrihfabu chung ah thlarau a cawl kho tawn lo.
Ka sual ko, keimah nih mi sual le khamh a herhbik ka si, a ti i Jesus a tongmi hna hi an pianthar ah an i lawm khun (leiba bianabia Jesus nih a chim). Cucaah nitin kan nunnak i rian, sianginn le hawikom sinah siseh khrihfabu ah lungsau nun, dawtnak le thlachiat ruahnak nun kan ngeih lo mi ngaih kan chiatter khawh i thlarau cawlcang kho lo in kan tuah sual lai. Krhihfabu chung hrimhrim ah zumhnak tahtu na si lo in mi kha zumhnak lei ah an thader nakhnga lo na nuntu in na langhter awk a si. Mah cu kan i zuam kho lai maw? Jesus he kan i peh hnu cu tuahsernak a biapi tuk cang, timi Bible nih a kan cawnpiak.
A donghnak ah nizan, kan hnu thla silole ni kum i na tonmi thinhunnak, ngaihchiatnak, i rem lonak le iralnak nih an tlaih a si ahcun cucu philh awk a ttha lomi a si kho men ko. Nain Satan nih an tlaih khawh nakding ah a tthabikmi lam a si. Kan pianthar hnu ah khrihfabu chungtel cheukhat he i hmuhthiam lonak, rak i sik asiloah rak i rem lonak vialte cu kan philh a herh cang. Khrih nih a kan zoh bantuk in pakhat le pakhat kan i zoh awk a si cang. A rak i titu, a rak i huatu hna le fahnak an petu kha zohti lo in Khrih thisen kha zoh cang. Nun hlun kha Satan nih zoh an fial tikah na mitchin, na hna hram ah lih a chim tikah Jesus bia kha ruat hna. Khrih nih a kan kamhmi thlennak /remhnak kha Pathian bia chung ah kawl law an hmuhter lei i an tharchuah ko lai.
Vawleicung mifim tampi nih "Na ral kha ngaithiam law, a min cu philh hlah. / Harnak na tonmi kha philh hlah." tibantuk a dih ciami sining le a rak cangmi pawl philh lo ding in bia dawh tampi an rak chim i nihin zong ah kan chim lengmang hna. Sihmanhsehlaw, Bible ning in Khrih he aa tongmi cu a minung hlun sinak a kaltak i mithar ah aa chuah cang ti kan zumh bantuk in Bible tthiam nih nan thinhunnak kha nitlakter hlah u, a kan ti. Mah cucu zumhnak lawng ah si lo in vawleicung kan nunnak ah tthanchonak, thluachuah hmuhnak le mi hnangam, aa lawmmi sinak caah nun hlun philh i kaltak a rak biapi hringhran.
EXODUS 14:14 ah "Bawipa nih ral cu an tuk piak hna lai, nannih tuah awk cu dai tein um a si." a ti.
Biathlam 21:5 ah Bawitthutdan i a tthumi nih cun "Atu cu thil vialte kha a thar in ka ser cang hna, (Behold, I'm making all things new." a ti.
Mi kha na mit i hmuhnak men in siseh, hlan i an rak sining ruangah biaceih in an nun tah ti hlah. Thlarau nih an pekmi te kha Pathian sunparnak caah hmang cang. Nangmah zong hlan na nun i dawiter ti hlah, Khrih ah mi thar na si cang.
Teirial Catialtu / 9 days ago
Ka lung ah chuak tuk nain khawika indah ka thawk lai ti ka hngal lo. Ka thinlung a rit, i zei ko dah mah tihin ka lung chung ah a taap i kan nunnak ah dawntu bantuk in a ka ttemttawn ti ni tlawmpal ka ruat cang. Kan nunnak a dih ciami asiloah a hlun cangmi thil hi kan kaltak khawh lo caan a tampi. Cucu Satan nih a uarbikmi hriamnam pakhat a si. Mah hi hriamnam pakhat tein mi tampi cun a kan tlaih khawh taktak fawn. Ka biang khatlei veve ka kut hnih in kaa domh. Khatlei ka biang cu Khrih dawtnak a thei i piangtharka cheukhat le khrihfabu caah a si. Khatlei cu a luancia mi thil le sining nih a ttemttawn rihmi hna caah a si.
Biahalnak pakhat: ZEIRUANGAHDAH PATHIAN BIA KAN ZUMH LO?
Zumhnak ah thazaang dermi ka si ti kaa hngalh ko, i hriim i thazaang laak tthan ka herh. Culio ah kaa umpi khawh lomi kong hi khrihfabu, zumtu le careltu sinah chim a hau ko tiah ka ruah. A sauh balte a sau pah kho men!
Laimi umnak ram le khuakip ah thlarau tthanghphawhnak a um tikah piangthar tampi kan chuak. Pianthar timi cu Jesus he iton i nun hlun kha kaltak in nun thar ah Khrih sining ihrawm kha a sibik ko. Cu thil cu a ttha tukmi a si. Sihmanhsehlaw, Khrih kan tonning aa dang cio. Cheukhat cu nu le pa Khrihfa si ruangah a hmette in church-school kai in Jesus cu a ka khamhtu le ka Pathian a si ti a cohlang i Khrihfa ka si ko, aa timi an um bantuk in kharusaih, khemping le cawnpiaknak in a piangtharmi an um ve fawn ko. Lamkaltu hna kha Jesus sinah kum 3 an um i Paul cu ceunak in kah a si ko. Pathian rianttuannak hi kan hngal kho lo, Bible zong ah aa ttial.
Khrihfa ka si, Pathian ka zumh ko a tilomi nih Khrihfabu ah um in biakinn kal lengmang phung a si lo. Khrihfa ka si aa titu hna nih khrihfabu i an um tikah Pathian khamhnak thawngttha an rak i fian lo hmanh ah ruahchannak he biakinn cu an panh i khrihfabu ah an um cu a si. Mah cu khrihfabu cu Khrih chung ah pumkhat le a ttengnge kan si hna i Pathian nih a kan pekmi laksawng aa dang dih, Rome 12:4. Thlarau laksawng phun tampi a ummi cu Pathian nih a sunparnak caah hman ding ah a kan pek cio ko 1.Korin siseh Lamkaltu zong ah hmuh khawh a si. Thlarau laksawng cu ningcang lo le siikaan ngei lo le mah diriamnak men in a um lo.
Cucaah, khrihfabu chungtel na si ahcun, silole zumtu pakhat na si ahcun Pathian le biakinn a fuhtu paoh cu na za samh law panhte in dong ko hna. A hlei in ka piangthar, Khrih ka ton i a khamhnak ka cohlan a titu paoh nih cun nun hlun kaltak in Khrih nih a kan cawnpiak i amah hrim nih a zulhmi lam kha kan cawn awk a si ko. Nangmah bantuk in na dawtmi khrihfabu kha Lam hna seh, an kutbeng hna seh, thlacam chinchin hna sehlaw tui taktak hna seh ti na lung duhnak a fak tuk ko lai. Sihmansehlaw, Pathian thil ti cu minung ruahnak nih a phan lo timi kha Kan Zumh Hrimhrim a herh. Micheukhat cu thlacam nun an ngei i mi um lonak, an inn hna ah an cam ko lai. Cheukhat cu, mihar an bawm ko lai, i cheukhat cu khrihfabu cawlcanghnak ah thazang an chuah kho lai i cheukhat nih pumh an hruai lai i an tuiter ko lai. Cu vialte cu minung pakhat lawng nih a tuah khawhmi a si lo.
Kanmah nun ah fakpi in a langmi sinak kha kan unau, chungkhat, khrihfabu cungah phan ve seh ti duh lung in mi thlen na timh hna a si ahcun na aipuang lai, na thintawi lai. Cucu nangmah rian a si lo, nangmah nih mi remh i timh hlah law na ruahnak le duhnak chungah luhpi tim hna hlah. Kan zate in kan chung taktak ah Khrih nih hmun lak a duh i a um cang, i Khrih nih kan zate in aa khat le tlukte in a kan hmuh cang. Mah cu philh hlah. Pathian vel lawnglawng in mi luat kan si. Jesus nih khamhnak cu a ser i mi nun thlennak cu amah nih a ttuan cuahmah ko. Khrih thisen tthawnnak hi kan zum taktak maw? Amah nih a ttuan ding rian ttuan piak kan i timh tikah kan nunnak ah, zumhnak le khrihfabu chung ah thlarau a cawl kho tawn lo.
Ka sual ko, keimah nih mi sual le khamh a herhbik ka si, a ti i Jesus a tongmi hna hi an pianthar ah an i lawm khun (leiba bianabia Jesus nih a chim). Cucaah nitin kan nunnak i rian, sianginn le hawikom sinah siseh khrihfabu ah lungsau nun, dawtnak le thlachiat ruahnak nun kan ngeih lo mi ngaih kan chiatter khawh i thlarau cawlcang kho lo in kan tuah sual lai. Krhihfabu chung hrimhrim ah zumhnak tahtu na si lo in mi kha zumhnak lei ah an thader nakhnga lo na nuntu in na langhter awk a si. Mah cu kan i zuam kho lai maw? Jesus he kan i peh hnu cu tuahsernak a biapi tuk cang, timi Bible nih a kan cawnpiak.
A donghnak ah nizan, kan hnu thla silole ni kum i na tonmi thinhunnak, ngaihchiatnak, i rem lonak le iralnak nih an tlaih a si ahcun cucu philh awk a ttha lomi a si kho men ko. Nain Satan nih an tlaih khawh nakding ah a tthabikmi lam a si. Kan pianthar hnu ah khrihfabu chungtel cheukhat he i hmuhthiam lonak, rak i sik asiloah rak i rem lonak vialte cu kan philh a herh cang. Khrih nih a kan zoh bantuk in pakhat le pakhat kan i zoh awk a si cang. A rak i titu, a rak i huatu hna le fahnak an petu kha zohti lo in Khrih thisen kha zoh cang. Nun hlun kha Satan nih zoh an fial tikah na mitchin, na hna hram ah lih a chim tikah Jesus bia kha ruat hna. Khrih nih a kan kamhmi thlennak /remhnak kha Pathian bia chung ah kawl law an hmuhter lei i an tharchuah ko lai.
Vawleicung mifim tampi nih "Na ral kha ngaithiam law, a min cu philh hlah. / Harnak na tonmi kha philh hlah." tibantuk a dih ciami sining le a rak cangmi pawl philh lo ding in bia dawh tampi an rak chim i nihin zong ah kan chim lengmang hna. Sihmanhsehlaw, Bible ning in Khrih he aa tongmi cu a minung hlun sinak a kaltak i mithar ah aa chuah cang ti kan zumh bantuk in Bible tthiam nih nan thinhunnak kha nitlakter hlah u, a kan ti. Mah cucu zumhnak lawng ah si lo in vawleicung kan nunnak ah tthanchonak, thluachuah hmuhnak le mi hnangam, aa lawmmi sinak caah nun hlun philh i kaltak a rak biapi hringhran.
EXODUS 14:14 ah "Bawipa nih ral cu an tuk piak hna lai, nannih tuah awk cu dai tein um a si." a ti.
Biathlam 21:5 ah Bawitthutdan i a tthumi nih cun "Atu cu thil vialte kha a thar in ka ser cang hna, (Behold, I'm making all things new." a ti.
Mi kha na mit i hmuhnak men in siseh, hlan i an rak sining ruangah biaceih in an nun tah ti hlah. Thlarau nih an pekmi te kha Pathian sunparnak caah hmang cang. Nangmah zong hlan na nun i dawiter ti hlah, Khrih ah mi thar na si cang.
