Zumhnak
Johan 1:12 Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna.
Johan 3:16 "Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai. "
Johan 3:18 "“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo. "
Johan 3:36 "Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai."
Johan 6:35 "Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a țam lai lo i keimah a ka zummi cu ahohmanh an ti a hal lai lo. "
Johan 6:47 Biangai kan chimh hna: a zummi cu zungzal nunnak an ngei.
Johan 12:46 Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.
Johan 20:29 "Jesuh nih cun, “Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah,” tiah a ti."
Lamkaltu 10:43 "Profet vialte nih amah kong cu an rak chim i amah a zummi paoh cu a min țhawnnak thawngin an sualnak kha ngaihthiam an si lai, tiah an ti,” tiah a ti."
Lamkaltu 16:31 "“Bawipa Jesuh kha zum law, nangmah he na innchungkhar he khamh nan si lai,” tiah an ti. "
Marka 9:23 "Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti. "
Rom Cakuat 9:33 "Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si."
1 Peter 2:6 "Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti. "
