Kan herh ko Ralțhatnak le Tumruhnak
Kan miphun nihhin ralțhatnak le tumruhnak hi kan herh hringhran ko tihi kan hmuh cio mi a si. Tappi kam i a to mi tiang nih kan herh lawmmam ko. Tumruh nak le ralțhatnak hi kan nunchung ah kan hlawhtlinnak le kan herh ngaingai mi an si.Ralțhatnak tel loin zeihmanh tuah ngam a si lo, tuahngam lo cun hlawhtlin khawh a si bal lo. Cucaah cun thinlung fektein tuahding timi cu a dih tiang tuah hi hlawhtlinnak asi. Miralțha kam ahcun miralchia hmanh an ral chia ngam lo.
Nepolion nih ralkap 150000 an um ahcum keimah he cun 300000 kan si a ti. Russia he an i tuk tik ah, France ralkap pawl nih an zaam tak dih, a sinain Nepolion cu zaam loin a namsau ai zuk i ralțha tak in "keimah Nepolion ka ra ee" a van ti taktak cu a ral pawl nih an celh lo i an zaam tak dih ko. Greek ram cu a hme te konain Leicumg rak uk tu an si bal ko, tam le tam lo nih lai a rel lo. Fimkhur tein ralțhat naknih teinak ropui a co khawh. Kan miphun nihhin ralțhatnak hi kan chan bau bik mi a si ko lo maw? Ralțhat hnu ah thianhlim nun nih a zulh tawn. Ralțhat le tumruh lawng a za rih hawi lo. Attica miphun zonghi mitlawm te lawng an si ko nain an miphun an thianhlim zia hi leicung hmuhkip ah a thang dih. Thianhlim nun hi pumpak in maw, miphun in maw kan dir nak le kan i dawhnak a si. Thianhlimnak tel loin mi zei miphun hmanh sau an dir kho lo. Rom uk nakpi cu a tlu ko. Zeicahtiah Rom miphun vialte cu rianțuan an huam lo, sal pawl țuan ding a si an ti. Mah te rianțuan in thlan chuak an um ti lo, cu lawng hlah, taksa cak hiar nak ah an tlu dih, an minung duhnak nih a tei tuk hna, an sal țuan mi lawng an ei an ding. An mifim hna tiangin taksa cakhiarnak ah an tlu dih. Rian fak piin țuan le thianghlim tein a um mi nak in ralram i mi thisen chuah tu cu an upat deuh. Thisen chuah hmang tu cu thisen chuah hmang tu dang kut in a tlu ko.
Miphun pakhat cu thinlung leiah a puitlin lo ahcun fek tein a dir kho lai lo. Minung tam in fimthiam hmanh hna sehlaw, sual nuamhnak tlaihchan tu cu rianlianngan an țuan kho bal lo. Nuntu khuasak nakah siseh, chawva, lenglanghnak ah dawh le zoh nuam si hna hmanhsehlaw an tluk nak hrampi a si lai. Chunglei nakin lenglei a tlaihchan tu miphun hrimhrim cu țhancho lei nakin țumchuk lei a panh ko. Lenglang chawva, thilri, hruheih hna hi kan dir nak an si lo. Mi rianțuan cia mi kan ei hi kan hram fehter tu an si lo. A kan tluk ter tu kan ral an si. Cucu Laimi pawl kan thluak a si. Pathian pek mi thluak ruah nak a nei lo tu miphun kan si ko rua. Pathian pek mi thluak a nei mi pawl cu kan lak ah an um ngam ti lo. Ralțhat nak nei lo, Tumruh nak nei lo kan miphun, dinfelnak uar lo tu kan miphun tehi hmailei a sining ding cu ai fiang tuk ko. Rianțuan huam lo kan tam tuk cang, rianhrang a rak țuantuk mi kan taksa nih um sawh a duh lo ti hi philh hna hlah u sih. Cucu kan theithiam lo i mitampi fale nih rian rak țuan hlah ti i rianțuan loin a um mi pawl thla hn2h, kh1t ah an taksa nih a celh lo, an fresh ti lo tikahcun zawtnak an nei colh ko khuaruahhar cu a si ve ko, an nunnak tiang a liam mi tampi an um cang hi aw. Kha hna an pum dam nak ding tein rianțuan hna sehlaw chanthar ruahnak pe tu an si cang hnga. Kan miphun kal ning te hi ai thei tuk, kan kir loahcun a kan tluk ter tu an si te lai. Ralțhatnak, Tumruhnak nih cun dinfel nak ah mi a hruai, hlawhtlinnak a co khawh. By Anthony
