Hngachia Kum 6-8 (I)
Taksa ruangpum
1. An ruh a țhan fung i, an ruangrai umdan hman rih lo hmanhsehlaw an vikvak a țha.
2. An tha a tlin rih lo ruangah an thadit awl, asinain cawlcangloin an um kho lo.
3. Hapi keuh caan a si caah a tu le tu kik nih a tlaih hna.
Tuahpiak dingmi
1. Cawlcanghnak a phunphun tawlrel piak ding, an ti khawh nak an thazang țhahnem ngai in an hman khawh nak hnga lam hmuh ding.
2. Kutke caqlcangh nak ai tel mi a phunphun tuah pi ding(Lam, Darama tbk..). Cun dinh caan țha tein pek ding.
3. Inn ah siseh, Sianginn ah siseh taksa lei thianghlim tein an um nak hnga bawmh ding, ngandam nak he pehtlai zongin thianhlim a biapit zia theihter ding.
Thlarau lei
1. Fawi tein an zumh.
2. Vawlei le achung thil um mi dih lak sersiam tu a um ti an thei.
3. Jesuh caah nun awk asi ti an theihthiam. Thlacam duhnak thinlung an ngei, thlacam mi phichuak theih an duh.
4. Thinlung hnangam tein dawtnak co an duh.
Tuahpiak dingmi
1. Pathian dawtnak kong le zohkhenhnak pawl țha tein cawnpiak.
2. Pathian cu sersiamtu asi ti an zumu nak hnga cawnpiak.
3. Thlacam sullam chim hna. Sualnak tuah sual tikah thlacam in Pathian sin ah ngaihthiam hal in a kan ngaithiam lai timi i fiang dingin cawnpiak.
4. Pathian an zumh khawh nakhnga cawnpiak.
