Chin ram thlanglei hmunram um Chokhlei par le pawngkam

Chin ram thlanglei hmunram um Chokhlei par le pawngkam



Chin ram thlanglei ram cu rili in a san pe 3000 tluk hrawng asi. Phaizawngpar hna, Chokhleipar hna le kheuhnak hmun khat a si. Kokek thil sining Tlangtuupi hna, vahhual hna le kokek pangpar khuacaan zulhin a par mi hna nih fingtlang an dawhter hringhran ko.

Mindat khuapi ummi milu 85% hi tlanglo tuah in paw ai cawm mi an si. WHO nih a tuak ningahcun minung pakhat i thlakhat phaisa lut hi 20000,30000 hrawnghrang asi. Mitampi nihcun chantiluan dawiin tlanglo tuah bang riangmangin Chokhleipar ti bantuk hna hi Zuu (wine) ah tuah in le a kung hna thingtih awk ah hau tu le Thingkeppar pawl hna lak duhah thingkung hau tu karh chinlengmang asicang. Cun ram leng ah chuakin pawcawmnak hawl tu zonghi an um ve. Mindat, Kanpalet, Matupi, le Rezua khuapi pawl hi hlan ahcun lam i pehtlaihnak a chiat tuk ruangah fimthiam nak lei ah siseh, theihnak lei ahsiseh kan tlak niam zia cu chim tam hau lo asi. Cu caah kan ram kokek nih a kan pek mi aman khiah khawh lomi pawl vialte kilkhawi zia hmanh thiam loin caan saupi kan rak liam, khuacaan tiangin a lum a kih i ruang loin ai thlendih lawng sioin khuacaan zulh in a kheu mi, a par mi pawl vialte zong khuacaan zulh in an par ti lo, a par mi zong voidang bantukin a tam tilo. Chokhleipar sen, rang pawl wine ah an tuah ruangah voi dang bang senririai in an par an chuah kho tilo. Laitlang thlanglei um Khonunthung tlang, Bungtla tisor tbk hna le kokek pangpar Chokhlei, Phaizawng, Dingdi, Thingkep par vialte hna hi hnu chuak dingmi mino, Laimi caah kilhim, zohkhenh a țul hringhran ko. Cun Thlanglei Laitlang um pawl zong nih mah le theihnak tein zohkhenh, kilkhawi ve ding asi. The Mirror.